Уладзімір Пярцоў: Маштабы нелегальнай міграцыі – гэта вынікі палітыкі самога ЕС

Маштабы нелегальнай міграцыі - вынікі палітыкі самога Еўрапейскага саюза. Аб гэтым у эфіры тэлеканала "Беларусь 1" заявіў Першы намеснік Кіраўніка Адміністрацыі Прэзідэнта Уладзімір Пярцоў.

Паводле слоў Уладзіміра Пярцова, Еўрапейскі саюз сам правакуе ўздымы нелегальнай міграцыі. На сітуацыю ў тым ліку ўплывае развязванне канфліктаў і неразумныя эканамічныя абмежаванні ў дачыненні да непажаданых дзяржаў, што перашкаджае іх развіццю і зніжае ўзровень жыцця ў гэтых краінах. У выніку людзі масава мігрыруюць, а фактычна ўцякаюць у ЕС у надзеі на лепшае жыццё.

"Гэта ў першую чаргу вынікі іх палітыкі. Яны не хочуць прызнаваць свае адкрытыя пралікі: дзеянні па раздзяленні свету на "залаты мільярд" і на тых, хто жыве не ў "райскім садзе", - сказаў Першы намеснік Кіраўніка Адміністрацыі Прэзідэнта.

Ён дадаў, што еўрапейскія структуры замест таго, каб прызнаць свае памылкі і пралікі, пачынаюць абвінавачваць у тым, што здарылася, каго хочаце. "У першую чаргу прыгранічныя з "райскім садам" дзяржавы. Тады гэта былі прэтэнзіі ў адрас Рэспублікі Беларусь, што мы, маўляў, нешта арганізоўвалі. Цяпер гэта абвінавачанні ў бок Марока. Фактычна б'юць па хвастах замест таго, каб вырашаць глабальныя праблемы або, прынамсі, не ствараць гэтыя глабальныя праблемы і не павялічваць колькасць мігрантаў", - адзначыў Уладзімір Пярцоў.

На яго думку, рана ці позна такія масавыя перамяшчэнні людзей прывядуць да істотных змяненняў геапалітычнага і этнічнага ландшафту Еўропы. "Еўропа далёка не такая, якой была 10-20 гадоў таму. Ні да чаго добрага гэта не прывядзе. Трэба супрацоўнічаць, трэба суіснаваць", - упэўнены Першы намеснік Кіраўніка Адміністрацыі Прэзідэнта.