Зацверджаны змяненні падатковага заканадаўства
Прэзідэнт Беларусі Аляксандр Лукашэнка падпісаў Закон "Аб змяненні законаў па пытаннях падатковых праваадносін".
Карэкціроўка Падатковага кодэкса на 2026 год не прадугледжвае кардынальных змяненняў і абумоўлена неабходнасцю кропкавай данастройкі сістэмы, накіраванай на павышэнне справядлівасці падаткаабкладання. Для пераважнай большасці грамадзян і арганізацый падатковая нагрузка ў рэальным выражэнні застаецца ранейшай.
Што датычыцца грамадзян, пашыраецца прагрэсіўная шкала падаходнага падатку: базавая стаўка 13% захоўваецца для больш як 98% працуючых, павышаныя стаўкі 25% (дзейнічае з 2025 года) і 30% прымяняюцца толькі да звышвысокіх даходаў. Пры гэтым парог для прымянення стаўкі 25% павялічаны з Br220 тыс. да Br350 тыс. у год. Для дывідэндаў захоўваецца асобная шкала - 13% і 25%.
Уводзяцца таксама павышаючыя каэфіцыенты па падатку на нерухомую маёмасць для буйных дамоў і кватэр, павялічваецца падатак на магутныя матацыклы прэміум-класа.
Для арганізацый адмяняюцца асобныя неэфектыўныя льготы, выраўноўваюцца стаўкі ў ігральнай галіне, карэкціруюцца стаўкі для асобных катэгорый плацельшчыкаў. Па шэрагу сацыяльна значных тавараў змяншаецца ПДВ.
Стаўкі акцызаў і шэрага іншых падаткаў індэксуюцца ў асноўным на ўзровень інфляцыі.