Віншаванне Прэзідэнту Славакіі Петэру Пелегрыні і Прэм'ер-міністру Роберту Фіца
Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Славакіі Петэра Пелегрыні і Прэм'ер-міністра гэтай краіны Роберта Фіца з нацыянальным святам - Днём утварэння Славацкай Рэспублікі.
"Гістарычны шлях, які прайшоў славацкі народ, яго мудрасць у вызначэнні ўласнага лёсу, любоў да сваёй зямлі і павага да традыцый глыбока адгукаюцца ў сэрцах беларусаў", - гаворыцца ў віншаванні Петэру Пелегрыні.
Кіраўнік дзяржавы адзначыў, што крок за крокам Беларусь і Славакія пашыраюць спектр двухбаковага супрацоўніцтва, аднаўляюць дыпламатычную прысутнасць у сталіцах з разлікам на яшчэ больш плённую работу па развіццю палітычных, гандлёва-эканамічных і гуманітарных беларуска-славацкіх сувязей.
У віншаванні Прэм'ер-міністру Роберту Фіца Прэзідэнт Беларусі звярнуў увагу, што пазітыўны і добразычлівы характар двухбаковых адносін, асабліва ва ўмовах знешняга націску і процідзеяння, з'яўляецца рухаючай сілай для прагрэсіўных ідэй і сумесных праектаў.
"Упэўнены, што аднаўленне паўнацэннай узаемнай дыпламатычнай прысутнасці, што завершыцца адкрыццём у гэтым годзе Пасольства Рэспублікі Беларусь у Браціславе, значна пашырыць магчымасці для практычных прапаноў ва ўсіх сферах, у тым ліку гандлі, інвестыцыях, прамысловай кааперацыі, навукова-тэхнічным узаемадзеянні, культуры, адукацыі і спорце", - падкрэсліў беларускі лідар.
Аляксандр Лукашэнка таксама адзначыў, што будзе рады бачыць Роберта Фіца на беларускай зямлі для абмеркавання стратэгічных тэм міждзяржаўнага супрацоўніцтва.