У Беларусі прыняты дадатковыя меры для развіцця нацыянальнай гарантыйнай сістэмы
Прыняты дадатковыя меры для развіцця нацыянальнай гарантыйнай сістэмы і павышэння транзітнага патэнцыялу Беларусі. Адпаведны Указ № 318 Прэзідэнт Беларусі Аляксандр Лукашэнка падпісаў 20 жніўня.
Дакумент уносіць карэкціроўкі ва Указ ад 17 ліпеня 2015 года № 325 "Аб нацыянальным гаранце забеспячэння выканання абавязку па выплаце мытных пошлін, падаткаў, спецыяльных, антыдэмпінгавых, кампенсацыйных пошлін".
Прынятым указам зменены крытэрыі прызнання паручыцеля перад мытнымі органамі нацыянальным гарантам забеспячэння выканання абавязку па выплаце мытных плацяжоў. У прыватнасці, выключана ўмова аб наяўнасці ў гаранта 50 працэнтаў акцый банка, уключанага ў рэестр банкаў і нябанкаўскіх крэдытна-фінансавых арганізацый, прызнаных мытнымі органамі гарантамі выплаты мытных плацяжоў. Вызначана, што гарантам могуць выступаць арганізацыі, маёмасць якіх знаходзіцца ва ўласнасці дзяржавы, якія маюць вопыт работы ў якасці паручыцеля не менш як 10 гадоў і ўключаныя ў рэестр мытных прадстаўнікоў. Таксама павялічана мінімальная сума, што прадастаўляецца такімі паручыцелямі ў якасці гарантыі належнага выканання абавязацельстваў, - з Br44 млн да Br50 млн.
Гэтыя меры дадуць магчымасць забяспечыць прызнанне іншых дзяржаўных арганізацый нацыянальнымі гарантамі, што будзе садзейнічаць развіццю нацыянальнай гарантыйнай сістэмы, а таксама павышэнню транзітнага патэнцыялу Беларусі.