У Беларусі прыняты дадатковыя меры для развіцця рыбалоўнай гаспадаркі
У Беларусі прыняты дадатковыя меры для развіцця рыбалоўнай гаспадаркі ў краіне. Адпаведны Указ № 279 Прэзідэнт Беларусі Аляксандр Лукашэнка падпісаў 20 ліпеня.
Дакумент уносіць змяненні ва Указ № 268 ад 14 ліпеня 2016 года "Аб стварэнні і дзейнасці адкрытага акцыянернага таварыства "Агенцтва па кіраванні актывамі". Кіраўнік дзяржавы зацвердзіў комплекс мер, які ўключае механізмы ўкаранення прагрэсіўных форм кіравання рыбаводнымі арганізацыямі і эфектыўнага вядзення рыбалоўнай гаспадаркі. Асноўнымі з іх з'яўляюцца рэструктурызацыя абавязацельстваў рыбаводных арганізацый па крэдытах, а таксама перадача акцый, якія знаходзяцца ва ўласнасці дзяржавы, у давернае кіраванне кампаній, што паспяхова развіваюцца.
Гэтыя меры дадуць магчымасць вызваліць рыбаводныя арганізацыі ад даўгавой нагрузкі і будуць садзейнічаць паспяховаму вядзенню рыбалоўнай гаспадаркі.