Спачуванне Каралю Тайланда Маху Вачыралангкорну Пхра Вачыраклаацяаюхуа

Прэзідэнт Беларусі Аляксандр Лукашэнка накіраваў спачуванне Каралю Тайланда Маху Вачыралангкорну Пхра Вачыраклаацяаюхуа ў сувязі са смерцю Прынцэсы Пхатчары Кітыяпхі.

"Пайшла з жыцця адданая дачка Тайланда, якая прысвяціла сябе справе паляпшэння дабрабыту грамадзян, асабліва жанчын, сацыяльна-эканамічнаму развіццю дзяржавы, павышэнню яе аўтарытэту на міжнароднай арэне", - гаворыцца ў спачуванні.

Прэзідэнт выказаў упэўненасць, што памяць і любоў да Пхатчары Кітыяпхі назаўсёды застануцца ў сэрцах падданых Каралеўства.

Аляксандр Лукашэнка падкрэсліў, што ў Беларусі з болем успрынялі вестку аб яе смерці і перадаў глыбокія спачуванні ў сувязі з гэтай вялікай стратай Каралю Тайланда, родным і блізкім Прынцэсы, а таксама ўсяму тайландскаму народу.