Спачуванне Прэзідэнту Алжыра Абдэльмаджыду Тэбуну
Прэзідэнт Беларусі Аляксандр Лукашэнка накіраваў спачуванне Прэзідэнту Алжыра Абдэльмаджыду Тэбуну ў сувязі з гібеллю людзей у выніку лясных пажараў.
"У Рэспубліцы Беларусь з вялікім смуткам успрынялі паведамленне аб гібелі людзей у выніку лясных пажараў у Алжыры", - гаворыцца ў спачуванні.
Кіраўнік беларускай дзяржавы ў гэты трагічны для Алжыра час адрасаваў словы спачування і падтрымкі кіраўніцтву краіны, родным і блізкім загінулых. Аляксандр Лукашэнка таксама пажадаў выздараўлення пацярпелым, сіл і мужнасці ратавальнікам і пажарным, якія самааддана змагаюцца са стыхіяй, стойкасці і адзінства ўсяму дружалюбнаму алжырскаму народу для хутчэйшага пераадолення наступстваў катастрофы.