Спачуванне Генеральнаму сакратару ЦК Кампартыі В'етнама То Ламу і Прэзідэнту Лыонг Кыонгу

Прэзідэнт Беларусі Аляксандр Лукашэнка накіраваў спачуванні Генеральнаму сакратару ЦК Камуністычнай партыі В'етнама То Ламу і Прэзідэнту Лыонг Кыонгу ў сувязі з трагічнымі наступствамі тайфуну "Буалой", ад якога пацярпелі жыхары В'етнама.

Кіраўнік дзяржавы адзначыў, што беларускі народ з вялікім смуткам і пачуццём глыбокага суперажывання ўспрыняў гэту сумную вестку.

Аляксандр Лукашэнка выказаў словы падтрымкі і салідарнасці з братэрскім народам В'етнама, а таксама шчырыя спачуванні сем'ям і блізкім загінулых, усім грамадзянам гэтай краіны, каго закранула страшная сіла стыхіі.

Кіраўнік дзяржавы пажадаў, каб крызісная сітуацыя была хутка пераадолена, прапаўшыя людзі былі знойдзены жывымі, пацярпелыя паправіліся, а тыя, хто быў вымушаны пакінуць свае дамы, змаглі вярнуцца да спакойнага жыцця.