Прывітанне ўдзельнікам VI Форуму медыйнай супольнасці Беларусі і XXII Нацыянальнага конкурсу "Залатая Літара"

Прэзідэнт Беларусі Аляксандр Лукашэнка накіраваў прывітанне ўдзельнікам VI Форуму медыйнай супольнасці Беларусі і XXII Нацыянальнага конкурсу "Залатая Літара".

Кіраўнік дзяржавы адзначыў, што гэтыя мерапрыемствы аб'ядноўваюць таленавітых журналістаў і маладое пакаленне аўтараў у творчым імкненні зрабіць інфармацыйны парадак дня больш яркім, вострым і актуальным.

"Сёння гэтыя знакавыя для айчыннай медыяіндустрыі падзеі з'яўляюцца пляцоўкай прыняцця эфектыўных рашэнняў у інтарэсах інфармацыйнага суверэнітэту роднай Беларусі. Перакананы, што з апорай на лепшы вопыт і новыя тэхналагічныя магчымасці, разуменнем каштоўнасці міру і нацыянальнага адзінства вы робіце ўсё, каб нашы сэнсы і ідэі гучалі моцна і пераканаўча", - гаворыцца ў прывітанні.

Аляксандр Лукашэнка ўсім пажадаў плённага ўзаемадзеяння, цікавых дыскусій і невычэрпнай энергіі для ўвасаблення ў жыццё арыгінальных праектаў.