Падпісаны Указ аб занясенні на Рэспубліканскую дошку Гонару пераможцаў спаборніцтва за 2021 год
Прэзідэнт Беларусі Аляксандр Лукашэнка 26 красавіка падпісаў Указ № 153 аб занясенні на Рэспубліканскую дошку Гонару пераможцаў спаборніцтва за 2021 год.
За дасягненне высокіх вынікаў у сферы сацыяльна-эканамічнага развіцця пераможцамі спаборніцтва прызнаны 64 арганізацыі і рэгіёны. У іх ліку - 11 адміністрацыйна-тэрытарыяльных адзінак (Гродзенская і Мінская вобласці, Мінск, Смаргонскі і Астравецкі раёны Гродзенскай вобласці, Магілёўскі раён Магілёўскай вобласці, Салігорскі раён Мінскай вобласці, Калінкавіцкі раён Гомельскай вобласці, Гродна, Савецкі і Цэнтральны раёны Мінска), 9 арганізацый прамысловасці, 2 - лясной гаспадаркі, 9 - сельскай і рыбнай гаспадаркі, 3 - якія ажыццяўляюць дзейнасць у будаўніцтве. Сярод пераможцаў таксама 30 арганізацый сферы паслуг: гандлю, адукацыі, аховы здароўя, транспарту, сацыяльнага абслугоўвання, навукі і іншыя.
Занясенне на Рэспубліканскую дошку Гонару з'яўляецца грамадскім прызнаннем важкага ўкладу грамадзян і працоўных калектываў у далейшае развіццё краіны і павышэнне яе дабрабыту.