Ордэнам Маці ўзнагароджаны 49 жыхарак Віцебскай, Гродзенскай і Магілёўскай абласцей
Прэзідэнт Беларусі Аляксандр Лукашэнка падпісаў Указ № 505 аб узнагароджанні ордэнам Маці, у адпаведнасці з якім узнагароды ўдастоены 49 жыхарак Віцебскай, Гродзенскай і Магілёўскай абласцей.
За нараджэнне і выхаванне пяці і больш дзяцей узнагароды ўдастоены прадстаўніцы розных сфер дзейнасці. У прыватнасці, работніцы прадпрыемстваў прамысловай, аграпрамысловай сфер, будаўнічай галіны, арганізацый спажыўкааперацыі, жыллёва-камунальнай гаспадаркі, устаноў адукацыі, аховы здароўя, сацыяльнага абслугоўвання насельніцтва, хатнія гаспадыні.
У ліку ўзнагароджаных старшая медыцынская сястра Навазаранскай бальніцы сястрынскага догляду ўстановы аховы здароўя "Новалукомская цэнтральная раённая бальніца" Таццяна Зайцава, хатняя гаспадыня з Шаркаўшчыны Вера Ліпская, прадавец Сенненскага філіяла Віцебскага абласнога спажывецкага таварыства Алеся Уладзімірава, работніца Бераставіцкага раённага ўнітарнага прадпрыемства жыллёва-камунальнай гаспадаркі Алена Адамовіч, хатняя гаспадыня з Ваўкавыска Ганна Грышчук, жывёлавод саўгаса "Лідскі" Таццяна Драбко.
Ордэна Маці таксама ўдастоены санітарка акушэрска-гінекалагічнага аддзялення Быхаўскай цэнтральнай раённай бальніцы Кацярына Ганжа, сацыяльны работнік Бялыніцкага раённага цэнтра сацыяльнага абслугоўвання насельніцтва Лілія Ткачэнка, памочнік выхавальніка ясляў-сада ў вёсцы Навасёлкі Магілёўскага раёна Ірына Цімафеева.
