Каментарый да Указа № 152 ад 4 красавіка 2013 г.
Межы СЭЗ "Мінск" будуць пашыраны пры дапамозе ўключэння ў яе склад вытворчай пляцоўкі ААТ "Белрыба" і зямельнага ўчастка, на якім размяшчаецца частка вытворчай пляцоўкі ААТ "Кіруючая кампанія холдынга "Белкамунмаш". Адпаведны Указ № 152 "Аб унясенні змянення і дапаўнення ва Указ Прэзідэнта Рэспублікі Беларусь ад 2 сакавіка 1998 г. № 93" Кіраўнік дзяржавы Аляксандр Лукашэнка падпісаў 4 красавіка.
Такім чынам, плошча СЭЗ "Мінск" павялічваецца на 13,1 га (з 2635,9 да 2649,1 га).
ААТ "Белрыба" рэалізуе інвестыцыйныя праекты, накіраваныя на задавальненне спажывецкага попыту насельніцтва Беларусі ў высакаякаснай рыбнай прадукцыі. Статус рэзідэнта СЭЗ "Мінск" дасць магчымасць прадпрыемству знізіць сабекошт прадукцыі на 8-10% і актыўна канкурыраваць з замежнымі вытворцамі на ўнутраным і знешнім рынках, а таксама павялічыць аб'ёмы экспарту вырабаў і стварыць 90 рабочых месц.
Холдынг "Белкамунмаш" у мэтах выканання Указа Прэзідэнта сумесна з кампаніяй "Stadler Rail AG" (Швейцарыя) рэалізуе на тэрыторыі СЭЗ "Мінск" інвестыцыйны праект. Яго мэта – стварэнне вытворчасці сучаснага пасажырскага электрычнага транспарту. Аб'ём інвестыцый складае 50 млн. еўра.
Названая пляцоўка задзейнічана ў тэхналагічным цыкле выпуску тралейбусаў, трамваяў, аўтобусаў з гібрыднымі сілавымі ўстаноўкамі. Уключэнне яе ў склад СЭЗ "Мінск" створыць перадумовы для далейшага нарошчвання вытворчасці тэхнікі, запатрабаванай на знешнім рынку, павысіць яе канкурэнтаздольнасць.
Прыняцце Указа адпавядае інтарэсам развіцця эканомікі краіны і горада Мінска і дасць магчымасць прыцягнуць інвестыцыі ў развіццё рыбаперапрацоўчага комплексу і машынабудаўнічай вытворчасці, забяспечыць стварэнне новых рабочых месц, павысіць экспартны патэнцыял рэспублікі.
Такім чынам, плошча СЭЗ "Мінск" павялічваецца на 13,1 га (з 2635,9 да 2649,1 га).
ААТ "Белрыба" рэалізуе інвестыцыйныя праекты, накіраваныя на задавальненне спажывецкага попыту насельніцтва Беларусі ў высакаякаснай рыбнай прадукцыі. Статус рэзідэнта СЭЗ "Мінск" дасць магчымасць прадпрыемству знізіць сабекошт прадукцыі на 8-10% і актыўна канкурыраваць з замежнымі вытворцамі на ўнутраным і знешнім рынках, а таксама павялічыць аб'ёмы экспарту вырабаў і стварыць 90 рабочых месц.
Холдынг "Белкамунмаш" у мэтах выканання Указа Прэзідэнта сумесна з кампаніяй "Stadler Rail AG" (Швейцарыя) рэалізуе на тэрыторыі СЭЗ "Мінск" інвестыцыйны праект. Яго мэта – стварэнне вытворчасці сучаснага пасажырскага электрычнага транспарту. Аб'ём інвестыцый складае 50 млн. еўра.
Названая пляцоўка задзейнічана ў тэхналагічным цыкле выпуску тралейбусаў, трамваяў, аўтобусаў з гібрыднымі сілавымі ўстаноўкамі. Уключэнне яе ў склад СЭЗ "Мінск" створыць перадумовы для далейшага нарошчвання вытворчасці тэхнікі, запатрабаванай на знешнім рынку, павысіць яе канкурэнтаздольнасць.
Прыняцце Указа адпавядае інтарэсам развіцця эканомікі краіны і горада Мінска і дасць магчымасць прыцягнуць інвестыцыі ў развіццё рыбаперапрацоўчага комплексу і машынабудаўнічай вытворчасці, забяспечыць стварэнне новых рабочых месц, павысіць экспартны патэнцыял рэспублікі.