Хакейная каманда Прэзідэнта перамагла ў XVI Рэспубліканскіх спаборніцтвах аматараў хакея

  • 38
  • 4:54

Хакейная каманда Прэзідэнта Беларусі 14-ы раз стала пераможцам Рэспубліканскіх спаборніцтваў сярод аматараў на прызы Прэзідэнцкага спартыўнага клуба.

На лёдзе сталічнай "Алімпік-Арэны" 8 красавіка дружына Кіраўніка дзяржавы ў другім паядынку вырашальнай серыі XVI турніру выйграла ў каманды Мінскай вобласці з лікам 6:4 (2:0, 1:1, 3:3).

Лепшымі ігракамі матчу прызнаны Андрэй Касціцын і Аляксандр Кручынін.

Бронзавыя ўзнагароды заваявалі хакеісты Брэсцкай вобласці, якія абыгралі ў матчы за трэцяе месца зборную Гомельскай вобласці з рэзультатам 5:3.

Па выніках турніру вызначаны лепшыя па гульнявых амплуа: варатар - Максім Шчэпка (Мінская вобласць), абаронца - Андрэй Башко (каманда Прэзідэнта Беларусі), нападаючы - Андрэй Касціцын (каманда Прэзідэнта Беларусі). Лепшым бамбардзірам стаў форвард каманды Брэсцкай вобласці Аляксандр Караткевіч, у актыве якога 28 ачкоў - 16 шайбаў і 12 галявых перадач. Прызы лаўрэатам спаборніцтваў уручылі Міністр спорту і турызму Сяргей Кавальчук, старшыня Мінгарвыканкама Уладзімір Кухараў і кіраўнік Федэрацыі хакея Беларусі Аляксандр Багдановіч.

Хакейная каманда Прэзідэнта - 14-разовы пераможца гэтых спаборніцтваў, па адным тытуле ў хакеістаў Гомельскай і Мінскай абласцей.