Для беларускіх сувораўцаў зацверджана новае форменнае адзенне

Прэзідэнт Беларусі Аляксандр Лукашэнка 26 жніўня падпісаў Указ № 338 "Аб форменным адзенні і знаках узнагароды".

Дакумент прыняты ў мэтах захавання і развіцця гістарычных традыцый Міністэрства абароны, павышэння зацікаўленасці непаўналетніх у навучанні ва ўстановах адукацыі Мінабароны і службе ва Узброеных Сілах, іншых воінскіх фарміраваннях.

Указам зацверджана форменнае адзенне сувораўцаў і знакі ўзнагароды на ім - пагоны. Для павышэння камфорту і зручнасці, паляпшэння знешняга выгляду сувораўцаў у пералік прадметаў форменнага адзення ўключаны новыя сучасныя прадметы. Напрыклад, штодзённая форма адзення ўведзена па ўзоры формы ваеннаслужачых, якія праходзяць ваенную службу па кантракце.