Беларусь прадоўжыла дзеянне часовых ставак увазных мытных пошлін для тавараў з недружалюбных краін
Прэзідэнт Беларусі Аляксандр Лукашэнка 10 ліпеня падпісаў Указ № 278, які прадугледжвае прадаўжэнне па 30 чэрвеня 2025 года дзеяння Указа № 16 ад 12 студзеня 2024 года "Аб часовым устанаўленні ставак увазных мытных пошлін". У адпаведнасці з дакументам таксама пашыраны пералік тавараў, на якія ўстанаўліваюцца павышаныя стаўкі ўвазных мытных пошлін.
Указ прыняты ў мэтах абароны эканамічных інтарэсаў краіны і прымянення мер у адказ да асобных замежных дзяржаў, якія ажыццяўляюць недружалюбныя дзеянні ў адносінах да Беларусі.