Аб устанаўленні юбілейнага медаля

Указ № 63 ад 21 лютага 2022 г.

Заснаваны юбілейны медаль "100 год органам пракуратуры Беларусі". Адпаведны Указ № 63 падпісаў Кіраўнік дзяржавы Аляксандр Лукашэнка.

У бягучым годзе (26 чэрвеня) у Беларусі адзначаецца 100-годдзе з дня ўтварэння органаў пракуратуры. У сувязі з гэтым для ацэнкі заслуг некаторых асоб у забеспячэнні вяршэнства права і законнасці Указам прадугледжваецца заснаванне юбілейнага медаля "100 год органам пракуратуры Беларусі".

На правым баку медаля адлюстраваны геральдычны знак пракуратуры, які ўяўляе сабой шчыт, размешчаны над двума скрыжаванымі мячамі. У полі шчыта размешчана выява Дзяржаўнага герба Рэспублікі Беларусь. Унізе на хвалістай залацістай стужцы, накладзенай на вянок з лісця лаўра і дуба, размешчаны надпіс "1922-2022".

Юбілейным медалём будуць узнагароджваць работнікаў, ветэранаў органаў пракуратуры за ўзорнае выкананне службовых абавязкаў, а таксама іншых асоб за значны асабісты ўклад ва ўмацаванне правапарадку.

Звязаны артыкул
    Заснаваны юбілейны медаль "100 год органам пракуратуры Беларусі"

    Глядзіце таксама

    Усе дакументы
    Указ № 48 ад 14 лютага 2022 г.
    Аб рэестры адрасоў (ідэнтыфікатараў) віртуальных кашалькоў і асаблівасцях абароту крыптавалюты
    Указ № 34 ад 9 лютага 2022 г.
    Аб звальненні ў запас і прызыве на тэрміновую ваенную службу, службу ў рэзерве
    Указ № 33 ад 7 лютага 2022 г.
    Аб змяненні Указа Прэзідэнта Рэспублікі Беларусь (карэкціруецца Указ № 191 ад 15 красавіка 2013 г. "Аб аказанні падтрымкі арганізацыям фізічнай культуры і спорту")