Аб дыстанцыйным гандлі ювелірнымі вырабамі праз інтэрнэт-магазіны

Прэзідэнт Беларусі Аляксандр Лукашэнка 10 лютага падпісаў Указ № 52 "Аб дыстанцыйным гандлі ювелірнымі вырабамі праз інтэрнэт-магазіны".

Дакумент прыняты ў мэтах падтрымкі айчыннай ювелірнай галіны, развіцця інтэрнэт-гандлю ювелірнымі вырабамі беларускай вытворчасці.

Згодна з Указам, юрыдычным асобам і індывідуальным прадпрымальнікам, якія маюць адпаведныя ліцэнзіі, дазволена ажыццяўляць інтэрнэт-гандаль маркіраванымі ювелірнымі вырабамі беларускай вытворчасці ў перыяд з 1 сакавіка 2025 года па 30 чэрвеня 2026 года.

Упершыню такое права для іх было прадугледжана Указам Прэзідэнта ад 1 лютага 2021 года № 36 "Аб рэалізацыі ювелірных вырабаў праз інтэрнэт-магазіны" і пачало дзейнічаць з 12 красавіка 2021 года. Потым яно перыядычна прадаўжалася.