Аб дзейнасці па фінансаванні пад уступку грашовага патрабавання (факторынгу)
Прэзідэнт Беларусі Аляксандр Лукашэнка 11 лістапада падпісаў Указ № 416 "Аб дзейнасці па фінансаванні пад уступку грашовага патрабавання (факторынгу)".
Дакумент прыняты ў развіццё змяненняў грамадзянскага і банкаўскага заканадаўства, якія прадаставілі права ўсім камерцыйным арганізацыям Беларусі ажыццяўляць фінансаванне пад уступку грашовага патрабавання, што вывела факторынг за рамкі выключна банкаўскіх аперацый.
Указам прадугледжана замацаванне за Нацыянальным банкам функцый рэгулятара нябанкаўскага факторынгу і ўстанаўленне абавязковых патрабаванняў да факторынгавых арганізацый, такіх як уключэнне іх у адпаведны рэестр Нацыянальнага банка, патрабаванні да мінімальнага памеру статутнага фонду, дзелавой рэпутацыі кіраўніка, заснавальнікаў, фарміравання справаздачнасці, раскрыцця інфармацыі і іншае.
Нормы Указа накіраваны на фарміраванне цэласнай сістэмы рэгулявання дзейнасці па факторынгу ў Беларусі і развіццё даступных інструментаў фінансавання рэальнага сектара эканомікі.
