Аб змяненні Указа Прэзідэнта Рэспублікі Беларусь (карэкціруецца Указ № 305 ад 2 ліпеня 2015 г.)

Прэзідэнт Беларусі Аляксандр Лукашэнка падпісаў Указ № 280, якім уносяцца змяненні ва Указ ад 2 ліпеня 2015 года № 305 "Аб сістэме электроннай чаргі транспартных сродкаў у пунктах пропуску".

Для павышэння эфектыўнасці работы сістэмы электроннай чаргі Указам адмяняецца бязвыплатнае размяшчэнне транспартных сродкаў у зоне чакання. Раней існаваўшая паслуга платнага браніравання часу ўезду транспартных сродкаў у пункт пропуску з зоны чакання таксама адмяняецца.

Замест гэтага прадугледжана, што ўсе транспартныя сродкі пры іх уездзе ў зону чакання павінны аплаціць рэгістрацыю ў сістэме электроннай чаргі. Пры гэтым уезд у зону чакання будзе ўпарадкаваны і будзе ажыццяўляцца ў парадку жывой чаргі.

Частка грашовых сродкаў, атрыманых ад функцыянавання сістэмы электроннай чаргі, будзе пералічвацца Дзяржаўнаму пагранічнаму камітэту для ўдасканалення матэрыяльна-тэхнічнага забеспячэння органаў пагранічнай службы. Парадак і памер такіх пералічэнняў вызначыць Савет Міністраў.

За Урадам таксама замацаваны паўнамоцтвы па вызначэнні парадку функцыянавання сістэмы электроннай чаргі, патрабаванняў да абсталявання зоны чакання і рэгістрацыі ў ёй транспартных сродкаў, што дасць магчымасць уніфікаваць і ўпарадкаваць работу аператараў зон чакання.