Аб змяненні ўказаў Прэзідэнта Рэспублікі Беларусь (карэкціруецца Указ № 504 ад 15 кастрычніка 2007 г.)

Указ № 246 ад 18 ліпеня 2022 г.

Прэзідэнт Беларусі Аляксандр Лукашэнка 18 ліпеня падпісаў Указ № 246, якім унесены карэкціроўкі ва Указ ад 15 кастрычніка 2007 года № 504 "Аб некаторых мерах па ўпарадкаванні здзелак па адчужэнні транспартных сродкаў".

Для абароны грамадзян ад нядобрасумленных удзельнікаў здзелак пры адчужэнні аўтамабіляў удакладнены з улікам правапрымяняльнай практыкі асобныя дзеючыя палажэнні, што рэгулююць рынак транспартных сродкаў. У прыватнасці, выключана магчымасць правядзення здзелак куплі-продажу транспартных сродкаў праз афармленне рахунку-даведкі і правядзення разлікаў паміж юрыдычнымі асобамі, індывідуальнымі прадпрымальнікамі і фізічнымі асобамі па такіх дагаворах у наяўнай форме. Права выбару формы разлікаў па здзелках паміж фізічнымі асобамі пры гэтым захавана.

Дакументам уведзены абавязак па заключэнні дагавораў аб адчужэнні транспартных сродкаў толькі ў пісьмовай форме. Ва Указе таксама замацаваны патрабаванні аб адлюстраванні ў дагаворы звестак аб адсутнасці на момант яго заключэння абмежаванняў (абцяжарванняў) і забарон на ажыццяўленне здзелак з транспартным сродкам.

Цяпер дагаворы куплі-продажу транспартных сродкаў, што заключаюцца паміж фізічнымі асобамі, могуць праходзіць дзяржаўную рэгістрацыю не толькі ў адпаведных рэгіструючых органах (ДАІ і Мінсельгасхарч), але і шляхам натарыяльнага засведчання.

Гэтыя палажэнні Указа ўступяць у сілу праз шэсць месяцаў пасля яго афіцыйнага апублікавання.