Аб змяненні Указа Прэзідэнта Рэспублікі Беларусь (карэкціруецца Указ № 589 ад 3 кастрычніка 2006 г.)
Прэзідэнт Беларусі Аляксандр Лукашэнка 27 мая падпісаў Указ № 218, якім уносяцца змяненні ва Указ ад 3 кастрычніка 2006 года № 589 "Аб упарадкаванні работы аўтамабільных стаянак і аўтамабільных парковак".
Дакументам, у прыватнасці, удакладняюцца ўмовы арганізацыі і ўтрымання аўтапарковак, за карыстанне якімі будзе брацца плата, выключаецца абавязковая ўмова па аснашчэнні платных парковак устройствамі па ўліку часу і разліку платы, а таксама тэхнічнымі сродкамі, што перашкаджаюць выезду транспартнага сродку (ТС) з паркоўкі ў выпадку неўнясення платы.
Указам вызначаюцца катэгорыі транспартных сродкаў, плата за паркоўку якіх не бярэцца. Да іх аднесены ТС аператыўнага прызначэння, а таксама што выкарыстоўваюцца ў мэтах забеспячэння абараназдольнасці, правапарадку, ліквідацыі надзвычайных сітуацый, аказання медыцынскай дапамогі (у тым ліку хуткай меддапамогі), нацыянальнага аператара паштовай сувязі і іншыя.
Аўтамабільныя паркоўкі, размешчаныя на рынках, каля гандлёвых аб'ектаў і аб'ектаў сацыяльна-культурнага прызначэння, застаюцца бясплатнымі.
Указ накіраваны на змяншэнне транспартнай і экалагічнай нагрузкі на цэнтральныя часткі гарадоў, павышэнне эфектыўнасці функцыянавання парковачнай прасторы і плацежнай дысцыпліны аўтаўладальнікаў у частцы карыстання паркоўкамі.
Парадак работы аўтамабільных парковак і стаянак, а таксама спагнання платы за іх будзе вызначаны Саветам Міністраў.
Нормы Указа ў частцы ўвядзення новага парадку работы аўтапарковак і стаянак уступаюць у сілу праз тры месяцы пасля яго афіцыйнага апублікавання.
