Аб узнагароджанні
Прэзідэнт Беларусі Аляксандр Лукашэнка 4 ліпеня падпісаў Указ № 201 аб узнагароджанні ордэнам Маці.
За нараджэнне і выхаванне пяці і больш дзяцей узнагароды ўдастоены работніцы розных сфер дзейнасці. У іх ліку прадстаўніцы прамысловых і аграпрамысловых прадпрыемстваў, будаўнічай галіны, банкаўскага сектара, арганізацый харчовай прамысловасці, транспартнай і падатковай сферы, жыллёва-камунальнай гаспадаркі і гандлю, устаноў адукацыі, аховы здароўя, культуры, індывідуальныя прадпрымальнікі і хатнія гаспадыні.
Сярод узнагароджаных - галоўны хавальнік Браслаўскага раённага аб'яднання музеяў Вольга Талстова, настаўнік сярэдняй школы № 7 горада Смаргоні Наталля Бабровіч, санітарка аддзялення анестэзіялогіі і рэанімацыі № 1 Барысаўскай цэнтральнай раённай бальніцы Яўгенія Адамовіч, сырасол па вытворчасці сыроў Рагачоўскага малочнакансервавага камбіната Гоар Бараноўская, начальнік аддзялення паштовай сувязі Гайна Лагойскага ўчастка паштовай сувязі РУП "Белпошта" Алена Дышлевіч, машыніст выдзімальных машын асноўнага вытворчага цэха Барысаўскага завода пластмасавых вырабаў Вера Загорская, спецыяліст па продажы рознічных банкаўскіх прадуктаў Магілёўскага абласнога ўпраўлення № 700 ААТ "ААБ "Беларусбанк" Кацярына Анціпава.
Усяго ордэнам Маці ўзнагароджаны 119 жыхарак Віцебскай, Гомельскай, Гродзенскай, Мінскай і Магілёўскай абласцей Беларусі.
Спампаваць 201uk.pdf
706 Кб