Аб дзяржаўных цывільных пасадах

Указ № 195 ад 6 чэрвеня 2022 г.

Прэзідэнт Беларусі Аляксандр Лукашэнка 6 чэрвеня падпісаў Указ № 195 "Аб дзяржаўных цывільных пасадах".
 
Дакумент падпісаны для рэалізацыі палажэнняў прынятага нядаўна Закона "Аб дзяржаўнай службе", якім замацавана цэласная сістэма дзяржаўнай службы. У яе ўключаны ўсе яе віды: цывільная служба, ваенная служба, служба ў ваенізаваных арганізацыях. Пры гэтым у Законе дэталёва рэгламентуецца дзяржаўная цывільная служба, прадугледжваецца ўзмацненне патрабаванняў да дзяржслужачых, іх дысцыпліны і адказнасці, вызначаюцца абавязкі, правы, сацыяльна-прававыя гарантыі, нормы этычных паводзін дзяржслужачых як на працы, так і ў быце. Законам рэгламентуюцца асаблівасці службы асоб, якія займаюць пасады, уключаныя ў кадравы рэестр Кіраўніка дзяржавы, а таксама ўводзіцца Рэестр дзяржаўных цывільных пасад, упарадкоўваецца сістэма класаў.
 
Указам, у прыватнасці, устанаўліваецца Рэестр дзяржаўных цывільных пасад, суадносіны класных чыноў, персанальных званняў, дыпламатычных рангаў, кваліфікацыйных класаў і класаў дзяржслужачых, а таксама прыраўноўванне дзеючых класаў да новых. Рэестрам створана адзіная наменклатура ўсіх дзяржаўных цывільных пасад у дзяржаўных органах Беларусі, упарадкаваны найменні пасад спецыялістаў.