Аб развіцці ваенна-патрыятычных клубаў

Указ № 160 ад 4 мая 2022 г.

Прэзідэнт Беларусі Аляксандр Лукашэнка падпісаў Указ № 160 аб развіцці ваенна-патрыятычных клубаў.

Дакумент рэгулюе дзейнасць ваенна-патрыятычных клубаў для дзяцей і моладзі на тэрыторыі вайсковых часцей унутраных войскаў МУС, Узброеных Сіл, іншых войскаў і воінскіх фарміраванняў, а таксама ў месцах дыслакацыі органаў і падраздзяленняў па надзвычайных сітуацыях. У прыватнасці, рэгулююцца пытанні рэалізацыі адукацыйнай праграмы ў такіх клубах, выкарыстання вучэбна-матэрыяльнай базы, арганізацыі харчавання, забеспячэння рэчавай маёмасцю навучэнцаў.

Дзейнасць клубаў будзе садзейнічаць грамадзянскаму і патрыятычнаму выхаванню дзяцей і моладзі, павышэнню іх матывацыі да праходжання армейскай службы, службы ў праваахоўных органах і па надзвычайных сітуацыях, а таксама рэалізацыі дзяржаўнай маладзёжнай палітыкі.