Аб змяненні Указа Прэзідэнта Рэспублікі Беларусь (карэкціруецца Указ № 13 ад 18 студзеня 2016 г.)

Прэзідэнт Беларусі Аляксандр Лукашэнка 22 мая падпісаў Указ нумар 149, якім зацверджаны новыя рэдакцыі генеральных планаў гарадоў-спадарожнікаў Мінска - Смалявіч, Фаніпаля і Рудзенска.

Актуалізаванымі генеральнымі планамі вызначаны стратэгіі тэрытарыяльнага развіцця пералічаных гарадоў-спадарожнікаў да 2035 года з улікам патрабаванняў Кіраўніка дзяржавы па іх апераджальным развіцці і сучасных тэндэнцый горадабудаўнічага пераўтварэння.

У іх закладзены падыходы па рацыянальным выкарыстанні і добраўпарадкаванні тэрыторый з улікам рэсурсных магчымасцей гарадоў-спадарожнікаў, плануемых параметраў іх сацыяльна-эканамічнага развіцця ва ўвязцы з Мінскам, існуючых і мяркуемых у будучым экалагічных абмежаванняў.

Усе прадугледжаныя генеральнымі планамі мерапрыемствы арыентаваны на прырост колькасці насельніцтва гарадоў-спадарожнікаў і арганізацыю на іх тэрыторыі камфортнага асяроддзя жыццядзейнасці людзей.