Белтэлерадыёкампанія
У структуру Белтэлерадыёкампаніі ўваходзяць сем тэлеканалаў:
- галоўны інфармацыйны канал "Беларусь 1",
- пазнавальна-забаўляльны канал для ўсёй сям’і "Беларусь 2",
- сацыякультурны "Беларусь 3",
- рэгіянальны "Беларусь 4", які выходзіць у пяці абласцях краіны з пазначэннем рэгіёна: Магілёў, Гомель, Віцебск, Гродна, Брэст,
- спартыўны "Беларусь 5", "Беларусь 5 інтэрнэт",
- "НТБ-Беларусь",
- міжнародны спадарожнікавы тэлеканал "Беларусь 24";
пяць каналаў радыё:
- "Першы нацыянальны канал Беларускага радыё",
- "Канал "Культура",
- "Радыёстанцыя "Сталіца",
- "Радыёстанцыя "Беларусь",
- "Радыёстанцыя "Радыус-FM".
У сетцы Інтэрнэт медыяхолдынг прадстаўлены афіцыйным сайтам, сайтамі тэле- і радыёпраграм, спартыўным вэб-парталам, акаўнтамі ў сацыяльных сетках, мэсэнджарах, першай і адзінай у краіне спартыўнай інтэрнэт-праграмай "Беларусь 5 інтэрнэт", мае мабільны дадатак.
Кампанія мае вялікі творчы патэнцыял і найноўшую тэхнічную базу, у тым ліку суперсучасныя перасовачныя тэлевізійныя станцыі (ПТС), што дае магчымасць ажыццяўляць аператыўныя якасныя прамыя трансляцыі спартыўных форумаў, у тым ліку міжнароднага ўзроўню, мерапрыемстваў рэспубліканскага маштабу з удзелам Кіраўніка дзяржавы.
Эфір тэлеканалаў Белтэлерадыёкампаніі - гэта арыгінальны кантэнт, рэйтынгавыя фарматы, гучныя тэлевізійныя прэм’еры, забаўляльныя і пазнавальныя праграмы, папулярныя серыялы, спартыўныя перадачы, навінкі і шэдэўры кінематографа.
Адным са структурных падраздзяленняў медыяхолдынга з'яўляецца Агенцтва тэленавін (АТН), супрацоўнікі якога ў рэжыме рэальнага часу асвятляюць падзеі ў краіне і ў свеце, а таксама ствараюць тэматычныя спецпраекты, ток-шоу і рубрыкі, дакументальныя цыклы і тэлефільмы. Кантэнт АТН выходзіць у эфіры тэлепраграм "Беларусь 1" і "Беларусь 24", а таксама шырока прадстаўлены на відэахостынгу YouTube.
Кампанія мае багаты вопыт арганізацыі і правядзення міжнародных песенных фестываляў і нацыянальных тэлевізійных конкурсаў: міжнароднага дзіцячага конкурсу песні "Еўрабачанне-2010" і "Еўрабачанне-2018" у Мінску, нацыянальных адбораў дзіцячага і дарослага "Еўрабачання", міжнароднага фестывалю мастацтваў "Славянскі базар у Віцебску", нацыянальнага тэлевізійнага конкурсу "Тэлевяршыня", радыёконкурсу "Маладыя таленты Беларусі" і інш.