Здаровы лад жыцця - візітная картка Беларусі
Арганізацыя фізкультурна-аздараўленчай і спартыўна-масавай работы з насельніцтвам пастаянна знаходзіцца ў цэнтры ўвагі Прэзідэнта. Ён паказвае асабісты прыклад здаровага ладу жыцця, шчырай любові да спорту.
Штогод у Беларусі праводзіцца каля 22 тыс. спартыўна-масавых мерапрыемстваў. Традыцыйнымі сталі спаборніцтвы "Беларуская лыжня", міжнародныя Мінскі велакарнавал і Мінскі паўмарафон. Адроджана сістэма рэспубліканскіх галіновых спартакіяд. У краіне праводзяцца спаборніцтвы сярод дзяцей і падлеткаў па футболе "Скураны мяч", па гандболе - "Імклівы мяч", па біятлоне - "Снежны снайпер", рэспубліканскі хакейны турнір "Залатая шайба" на прызы Прэзідэнта Рэспублікі Беларусь.
Асаблівая ўвага ўдзяляецца ўдасканаленню фізічнага выхавання дзяцей і навучэнскай моладзі. Па ўсёй краіне арганізуюцца падлеткавыя спартыўныя клубы. Працуюць рэспубліканскія цэнтры алімпійскай падрыхтоўкі, дзе трэніруюцца лепшыя атлеты краіны.
Наладжана сістэма падрыхтоўкі спартыўнага рэзерву. У ёй задзейнічаны 447 арганізацый фізічнай культуры і спорту, у тым ліку 11 вучылішчаў алімпійскага рэзерву і 436 спецыялізаваных вучэбна-спартыўных устаноў. Падрыхтоўку тут праходзяць больш за 150 тыс. юных спартсменаў.