Вучыцца ў Беларусі
Традыцыі беларускай адукацыі ў спалучэнні з пастаянным развіццём, а таксама выкарыстанне сучасных падыходаў і прывабныя цэны на навучанне садзейнічаюць папулярызацыі беларускай адукацыі сярод замежных грамадзян.
Як паказваюць вынікі апытанняў, якія рэгулярна праводзяцца сярод замежных навучэнцаў і выпускнікоў беларускіх устаноў адукацыі, іншаземцаў таксама прываблівае высокі ўзровень бяспекі ў краіне, добразычлівасць беларусаў, магчымасць працаваць па спецыяльнасці ў час вучобы.
У 2019/2020 навучальным годзе ва ўстановах адукацыі Рэспублікі Беларусь навучаліся 26,28 тыс. іншаземных грамадзян са 102 краін свету. З іх 25,12 тыс. - ва ўстановах вышэйшай адукацыі, 1,16 тыс. - ва ўстановах сярэдняй спецыяльнай і прафесійна-тэхнічнай адукацыі. Акрамя таго, больш як 2 тыс. іншаземных студэнтаў праходзілі навучанне на сумесных факультэтах і па праграмах беларускіх устаноў вышэйшай адукацыі за мяжой.
Найбольшая колькасць навучэнцаў прыязджае ў Беларусь з Туркменістана, Кітая, Узбекістана, Расіі, Шры-Ланкі, Таджыкістана, Лівана, Індыі, Ірана, Казахстана, Азербайджана.
У 2019 годзе Міністэрства адукацыі падпісала міжнародныя дагаворы з Кітаем, Турцыяй, Сірыяй, ААЭ, Егіптам, Узбекістанам, Таджыкістанам, Сербіяй, а таксама міжведамасную праграму развіцця супрацоўніцтва ў сферы вышэйшай адукацыі на 2019-2021 гады з Кубай. Уступілі ў сілу міжнародныя пагадненні з Бразіліяй і Малдовай. Установы адукацыі заключылі 628 прамых дагавораў з навучальнымі ўстановамі 44 краін свету.
Вядзецца работа па стварэнні сумесных адукацыйных структур і праграм з замежнымі партнёрамі. У 2019 годзе створаны два сумесныя факультэты ва Узбекістане і адзін - у Таджыкістане, а таксама Цэнтр беларускай адукацыі ў Сірыі.
Умацаванню пазіцый беларускай сістэмы адукацыі на міжнародным рынку паслуг садзейнічае і пашырэнне пераліку адукацыйных праграм на англійскай мове.
Значная ўвага ўдзяляецца павышэнню канкурэнтаздольнасці нацыянальнай адукацыі, уключаючы папулярызацыю беларускіх ВНУ ў міжнародных адукацыйных рэйтынгах.
У рэйтынгу Webometrics (вэбаметрычны рэйтынг універсітэтаў даследчай групы Cybermetrics, якая ўваходзіць у склад Нацыянальнага даследчага савета Іспаніі) па стане на 1 студзеня 2022 года сярод 5 тыс. лепшых універсітэтаў свету прадстаўлены наступныя беларускія ўстановы: Беларускі дзяржаўны ўніверсітэт (806 пазіцыя), Беларускі нацыянальны тэхнічны ўніверсітэт (3377 пазіцыя), Гомельскі дзяржаўны ўніверсітэт імя Францыска Скарыны (3746 пазіцыя), Беларускі дзяржаўны ўніверсітэт інфарматыкі і радыёэлектронікі (3751 пазіцыя), Гродзенскі дзяржаўны ўніверсітэт імя Янкі Купалы (3905 пазіцыя), Беларускі дзяржаўны медыцынскі ўніверсітэт (4107 пазіцыя), Гродзенскі дзяржаўны медыцынскі ўніверсітэт (4775 пазіцыя), Полацкі дзяржаўны ўніверсітэт (4791 пазіцыя), Брэсцкі дзяржаўны ўніверсітэт імя А.С. Пушкіна (4926 пазіцыя), Беларускі дзяржаўны тэхналагічны ўніверсітэт (4954 пазіцыя).
У сусветным рэйтынгу QS 2022 года (рэйтынг універсітэтаў свету англійскай кампаніі Quacquarelli Symonds) знаходзяцца Беларускі дзяржаўны ўніверсітэт (295 пазіцыя), Беларускі нацыянальны тэхнічны ўніверсітэт (пазіцыя 751-800), Беларускі дзяржаўны ўніверсітэт інфарматыкі і радыёэлектронікі (пазіцыя 1001-1200). У рэйтынгу QS, які ахоплівае ВНУ краін Еўропы і Цэнтральнай Азіі, што сталі на шлях развіцця, адзначаны Беларускі дзяржаўны ўніверсітэт (22 пазіцыя), Беларускі нацыянальны тэхнічны ўніверсітэт (82 пазіцыя), Беларускі дзяржаўны ўніверсітэт інфарматыкі і радыёэлектронікі (129 пазіцыя), Беларуска-Расійскі ўніверсітэт (186 пазіцыя), Гродзенскі дзяржаўны ўніверсітэт імя Янкі Купалы (199 пазіцыя), Беларускі дзяржаўны тэхналагічны ўніверсітэт (пазіцыі 201-210), Гомельскі дзяржаўны ўніверсітэт імя Францыска Скарыны (251-300), Віцебскі дзяржаўны ўніверсітэт імя П.М. Машэрава (251-300).
У рэйтынгу SIR 2021 года - навукова-даследчых устаноў іспанскай лабараторыі Scimago (Scimago Institutions Rankings) прадстаўлены Беларускі дзяржаўны ўніверсітэт (750 пазіцыя), Беларускі нацыянальны тэхнічны ўніверсітэт (821 пазіцыя), Беларускі дзяржаўны ўніверсітэт інфарматыкі і радыёэлектронікі (866 пазіцыя), Беларускі дзяржаўны медыцынскі ўніверсітэт (854 пазіцыя).
Уваходжанне ў 2020 годзе не менш як дзесяці беларускіх устаноў вышэйшай адукацыі ў 4000 лепшых універсітэтаў свету па рэйтынгу Webometrics і (або) у 1000 - QS або SIR прадугледжана адным з мэтавых паказчыкаў дзяржаўнай праграмы "Адукацыя і маладзёжная палітыка" на 2016-2020 гады.