Ключавыя гандлёвыя партнёры

Гандлёвыя адносіны Беларусь падтрымлівае са многімі краінамі свету. У прыватнасці, у 2020 годзе гандлявала з 206 дзяржавамі.

Асноўнымі гандлёвымі партнёрамі з’яўляюцца Расійская Федэрацыя, Украіна, Кітай, Германія, Польшча, Літва, Нідэрланды, Злучанае Каралеўства Вялікабрытаніі і Паўночнай Ірландыі, Казахстан, Італія, Турцыя, Злучаныя Штаты Амерыкі, Бразілія.

У рэгіянальным разрэзе 48,2% аб’ёму таварнага экспарту Беларусі прыпадае на краіны ЕАЭС. Другі найбуйнейшы рынак для беларускай прадукцыі ‒ Еўрапейскі саюз ‒ 18,8%

Паступова пашыраецца прысутнасць беларускіх вытворцаў на рынках краін Азіі, Афрыкі, Амерыкі і Акіяніі. Сумесна з партнёрамі па ЕАЭС ажыццяўляецца работа па пашырэнні доступу на рынкі краін далёкай дугі шляхам заключэння пагадненняў аб свабодным гандлі.

Асноўнымі спажыўцамі беларускіх паслуг у 2020 годзе былі Расійская Федэрацыя, Злучаныя Штаты Амерыкі, Германія, Кітай, Кіпр, Літва, Злучанае Каралеўства Вялікабрытаніі і Паўночнай Ірландыі, Польшча.

Важным інструментам дыверсіфікацыі беларускага экспарту і ўмацавання гандлёва-эканамічных сувязей з’яўляецца актыўная інтэграцыя краіны ў міжнародную гандлёвую сістэму.

У рамках далучэння Беларусі да Сусветнай гандлёвай арганізацыі (СГА) па стане на 1 студзеня 2020 года завершаны двухбаковыя перагаворы па доступе на рынкі з 21 зацікаўленым членам СГА. Дзякуючы дасягнутаму ў 2019 годзе прагрэсу Беларусь аднесена да краін, якія знаходзяцца ў стратэгічным фокусе Сакратарыята СГА на 2020 год.