Ключавыя гандлёвыя партнёры

Гандлёвыя адносіны Беларусь падтрымлівае са многімі краінамі свету. У прыватнасці, у 2022 годзе гандлявала са 199 дзяржавамі.

Асноўнымі гандлёвымі партнёрамі з’яўляюцца Расійская Федэрацыя, Кітай, ААЭ, Германія, Польшча, Казахстан, Турцыя, Літва, Нідэрланды, Італія, Узбекістан, Злучаныя Штаты Амерыкі.

У рэгіянальным разрэзе 63% аб’ёму таварнага экспарту Беларусі прыпадае на краіны ЕАЭС.

Паступова пашыраецца прысутнасць беларускіх вытворцаў на рынках краін Азіі, Афрыкі, Амерыкі і Акіяніі. Сумесна з партнёрамі па ЕАЭС ажыццяўляецца работа па пашырэнні доступу на рынкі краін далёкай дугі шляхам заключэння пагадненняў аб свабодным гандлі.

Асноўнымі спажыўцамі беларускіх паслуг у 2022 годзе былі Расійская Федэрацыя, Злучаныя Штаты Амерыкі, Германія, Кіпр, Літва, Кітай, Казахстан, Злучанае Каралеўства Вялікабрытаніі і Паўночнай Ірландыі, Польшча.

Важным інструментам дыверсіфікацыі беларускага экспарту і ўмацавання гандлёва-эканамічных сувязей з’яўляецца актыўная інтэграцыя краіны ў міжнародную гандлёвую сістэму.