Інстытуты падтрымкі экспарту

У Рэспубліцы Беларусь створана сістэма падтрымкі экспарту і функцыянуюць спецыялізаваныя інстытуты ў галіне экспартнага крэдытавання, лізінгу, страхавання экспартных рызык.

Сістэма падтрымкі экспарту ўключае ў сябе фінансавыя механізмы:

  • прадастаўленне экспартных крэдытаў і страхаванне экспартных рызык з падтрымкай дзяржавы (Указ Прэзідэнта Рэспублікі Беларусь ад 25 жніўня 2006 года №534 “Аб садзейнічанні развіццю экспарту тавараў (работ, паслуг)”);
  • кампенсацыя часткі працэнтаў па крэдытах і лізінгавых плацяжах спажыўцам беларускай прадукцыі з выкарыстаннем рэсурснай і кліенцкай базы замежных банкаў (Указ Прэзідэнта Рэспублікі Беларусь ад 24 верасня 2009 г. № 466 “Аб некаторых мерах па рэалізацыі тавараў, вырабленых у Рэспубліцы Беларусь”);
  • кампенсацыя экспарцёрам да 50% расходаў па ўдзеле ў міжнародных спецыялізаваных выставах і правядзенні ацэнкі адпаведнасці прадукцыі ў замежных дзяржавах (Указ Прэзідэнта Рэспублікі Беларусь ад 14 лiстапада 2019 г. № 412 “Аб падтрымцы экспарту”);
  • фінансаванне за кошт бюджэтных сродкаў часткі расходаў па арганізацыі нацыянальных выстаў (экспазіцый) Рэспублікі Беларусь за мяжой (пастанова Савета Міністраў Рэспублікі Беларусь ад 23 красавіка 2012 года № 384 “Аб зацвярджэнні Палажэння аб парадку арганізацыі нацыянальных выстаў (экспазіцый) Рэспублікі Беларусь у замежных дзяржавах”).
Усебаковае садзейнічанне экспарцёрам па выхадзе і замацаванні пазіцый на знешніх рынках аказваюць МЗС, замежныя ўстановы, Беларуская гандлёва-прамысловая палата і іншыя ведамствы.