Ключавыя экспартныя тавары і паслугі

Рэспубліка Беларусь ажыццяўляе шматвектарную знешнеэканамічную палітыку і падтрымлівае гандлёвыя адносіны амаль з 200 краінамі свету. Экспарт з’яўляецца адным з прыярытэтаў развіцця беларускай эканомікі. Больш за 60% вырабленай прадукцыі пастаўляецца на замежныя рынкі, што характэрна для краін з высокай ступенню развіцця і адкрытасці эканомікі.

Высокая роля ў агульным аб’ёме экспарту і машынабудаўнічай галіны. Штогод больш за 75% вырабленай прадукцыі ў гэтым сегменце прадаецца за межамі краіны.

Таварная структура беларускага экспарту ўключае больш за тысячу таварных пазіцый на ўзроўні чатырох знакаў кодаў ТН ЗЭД ЕАЭС. Найважнейшыя экспартныя пазіцыі: прадукцыя нафтахіміі, машынабудавання, металургіі, дрэваапрацоўкі, лёгкай прамысловасці, малочная і мясная прадукцыя, мэбля, шкло, шкловалакно, цэмент.

Расце месца і роля краіны на міжнародным рынку паслуг. У параўнанні з 2010 годам іх экспарт павялічыўся амаль у 2 разы. За 2022 год гэты паказчык перавысіў $9 млрд і склаў 19,6% у агульным аб’ёме экспарту краіны.

Знешнегандлёвы абарот тавараў і паслуг па выніках 2022 года склаў $89,13 млрд. Экспарт тавараў перасягнуў $37,5 млрд, паслуг - $9,2 млрд.

Пры гэтым у 2022 годзе зафіксавана рэкорднае за трыццацігадовы перыяд сальда знешняга гандлю таварамі і паслугамі ("плюс" $4,6 млрд).

У першым паўгоддзі 2023 года знешнегандлёвы абарот тавараў і паслуг Беларусі вырас на 15% у параўнанні з аналагічным перыядам мінулага года і склаў больш за $46 млрд.