Гандаль

Гандаль ‒ адна з найбольш важных сфер эканомікі, якая ўносіць істотны ўклад у ВУП краіны: яе доля ў 2021 годзе склала 8,7% (другое месца сярод галін эканомікі пасля апрацоўчай прамысловасці).

У апошнія гады захоўваецца тэндэнцыя павелічэння рознічнага тавараабароту. У 2021 годзе рознічны тавараабарот павялічыўся ў супастаўных цэнах на 1,6% і склаў Br60 млрд. Такі рост адбываецца па прычыне павелічэння даходаў насельніцтва, а таксама пастаяннага развіцця сферы гандлю і паляпшэння інфраструктуры. У Беларусі налічваецца каля 68 тыс. гандлёвых аб’ектаў. Іх колькасць за 5 гадоў павялічылася амаль на 9 тыс.

У Рэспубліцы Беларусь сфарміравана дастаткова развітая гандлёвая інфраструктура, якая дазваляе комплексна задавальняць патрэбнасці насельніцтва ў таварах і паслугах. Разам з невялікімі спецыялізаванымі магазінамі функцыянуюць гіпер- і супермаркеты, шматфункцыянальныя гандлёвыя цэнтры, у якіх размешчаны гандлёвыя аб'екты і аб'екты грамадскага харчавання.