Адпачынак і турызм

Колькасць занятых у сферы турызму ў 2024 годзе склала 228,8 тыс. чалавек або 5,5% да спісачнай колькасці занятых па эканоміцы.

Усё большую папулярнасць у рэспубліцы набывае ўнутраны турызм. У 2024 годзе 1,7 млн грамадзян Рэспублікі Беларусь арганізавана накіраваліся ў туры ў межах краіны (у 2023 годзе - 1,8 млн грамадзян Рэспублікі Беларусь).

У пераважнай большасці выпадкаў грамадзяне Беларусі арганізуюць свае турыстычныя паездкі самастойна, на долю падарожжаў, арганізаваных праз турыстычныя фірмы, прыпадае каля 10%.

Агульная колькасць унутраных турыстычных паездак грамадзян Беларусі, зробленых у межах рэспублікі, у 2024 годзе склала 19,7 млн паездак (у 2023 годзе - 19,8 млн паездак).

Штогод на кожнага жыхара рэспублікі прыпадае ў сярэднім 2 падарожжы па Беларусі.

З кожным годам усё больш запатрабаваным і папулярным сярод замежных грамадзян становіцца медыцынскі турызм. Толькі за 2024 год медыцынскую дапамогу атрымалі 165 тыс. іншаземцаў са 157 краін.

У Беларусі захавана і атрымала далейшае развіццё рэсурсная база для экалагічнага турызму ‒ нацыянальныя паркі “Нарачанскі”, “Прыпяцкі”, “Браслаўскія азёры”, “Белавежская пушча”, Бярэзінскі біясферны запаведнік і іншыя. У краіне ёсць больш за 320 помнікаў прыроды і амаль 100 заказнікаў рэспубліканскага значэння, а таксама больш за 650 помнікаў прыроды і 280 заказнікаў мясцовага значэння. Усяго ж у рэспубліцы амаль 1350 асабліва ахоўных прыродных тэрыторый.