Адпачынак і турызм

Гродна, віды Гродна

Доля турызму ў ВУП краіны, паводле даных за 2018 год, дасягнула 2,5% (у 2016 годзе - 2,2%). Колькасць занятых у сферы турызму ў 2018 годзе склала 255,6 тыс. чалавек або 5,9% да спісачнай колькасці занятых па эканоміцы (у 2016 годзе - 242,8 тысяч чалавек, або 5,5%).

Колькасць замежных грамадзян, якія наведалі Рэспубліку Беларусь у 2020 годзе, склала 3,6 млн чалавек (у 2019 годзе - 11,8 млн чалавек). Арганізавана рэспубліку наведалі 81 тыс. турыстаў і экскурсантаў (у 2019 годзе - 405,5 тыс. турыстаў і экскурсантаў).

Беларусь імкнецца ствараць для турыстаў максімальна камфортныя ўмовы прыбыцця і знаходжання ў краіне.

З 2017 года паспяхова працуе бязвізавы рэжым. З 27 ліпеня 2018 года тэрмін бязвізавага знаходжання замежных грамадзян, якія прыбылі ў Рэспубліку Беларусь праз Нацыянальны аэрапорт Мінск, павялічаны да 30 дзён.
Нацыянальны аэрапорт Мінск

У 2020 годзе амаль 40 тыс. іншаземцаў скарысталі гэту магчымасць, каб наведаць краіну (у 2019 годзе - 151,8 тыс. іншаземцаў).

Важным крокам да далейшага ўдасканалення бязвізавага рэжыму стала аб’яднанне з 10 лістапада 2019 года ў адну бязвізавую тэрыторыю “Брэст ‒ Гродна” дзвюх бязвізавых турысцка-рэкрэацыйных тэрыторый Брэста і Гродна, якія да гэтага функцыянавалі асобна.

З кожным годам усё больш запатрабаваным і папулярным сярод замежных грамадзян становіцца медыцынскі турызм. Толькі за 2020 год медыцынскую дапамогу атрымалі 165 тыс. іншаземцаў са 144 краін. Экспарт медыцынскіх паслуг у 2020 годзе склаў $33,4 млн.

У Беларусі захавана і атрымала далейшае развіццё рэсурсная база для экалагічнага турызму ‒ нацыянальныя паркі “Нарачанскі”, “Прыпяцкі”, “Браслаўскія азёры”, “Белавежская пушча”, Бярэзінскі біясферны запаведнік і іншыя. У краіне ёсць больш за 320 помнікаў прыроды і амаль 100 заказнікаў рэспубліканскага значэння, а таксама больш за 580 помнікаў прыроды і звыш 280 заказнікаў мясцовага значэння. Усяго ж у рэспубліцы амаль 1300 асабліва ахоўных прыродных тэрыторый.