Ордэн Дружбы народаў
Ордэнам Дружбы народаў узнагароджваюцца грамадзяне, арганізацыі, іх калектывы:
- за значны ўклад у справу ўмацавання мiру, дружалюбных адносiн i супрацоўнiцтва памiж дзяржавамi, кансалiдацыi грамадства i адзiнства народаў;
- за асаблiва плённую дзейнасць па зблiжэнні i ўзаемаўзбагачэнні нацыянальных культур;
- за высокiя дасягненнi ў мiжнароднай грамадскай, дабрачыннай i гуманiтарнай дзейнасцi;
- за вялiкi асабiсты ўклад у развiццё i павелічэнне духоўнага i iнтэлектуальнага патэнцыялу Рэспублiкi Беларусь, актыўную дзейнасць па абароне правоў чалавека i яго сацыяльных iнтарэсаў;
- за асаблiвыя заслугi і дасягненні ў развiццi знешнеэканамiчнай дзейнасцi, дэмакратыi i сацыяльнага прагрэсу.
Ордэн Дружбы народаў носiцца на шыйнай стужцы.
Пры ўзнагароджанні ордэнам Дружбы народаў арганізацыі, яе калектыву кіраўніком арганізацыі вызначаецца месца размяшчэння (дэманстрацыі) ордэна Дружбы народаў, якое адпавядае яго высокаму значэнню, забяспечвае захаванасць і магчымасць азнаямлення з ім.