Эканоміка
Рэспубліка Беларусь - экспартна арыентаваная дзяржава з развітой прамысловасцю, сектарам паслуг і сельскай гаспадаркай. Беларусь прытрымліваецца мадэлі сацыяльна арыентаванай рыначнай эканомікі, якая даказала сваю жыццяздольнасць і эфектыўнасць.
Паводле папярэдняй ацэнкі, у цэлым за 2010-2025 гады ВУП краіны павялічыўся ў супастаўных цэнах на 27,2% пры росце прадукцыйнасці працы за названы перыяд на 42,8%.
Валавы ўнутраны прадукт на душу насельніцтва па парытэце пакупной здольнасці вырас з $15,3 тыс. у 2010 годзе да $34,7 тыс. у 2025 годзе (папярэднія даныя).
Асноўныя сацыяльна-эканамічныя паказчыкі
ВУП, млн рублёў (2011-2015 гг. - з улiкам дэнамiнацыi 2016 г.).
2025 г. - папярэднія данныя.
Аб’ём знешняга гандлю таварамі і паслугамі, млрд долараў ЗША.
2025 г. - папярэднія данныя.
Аб'ём прамысловай прадукцыi, млн рублёў (2011-2015 гг. - з улiкам дэнамiнацыi 2016 г.).
2025 г. - папярэднія данныя.
Аб'ём прадукцыi сельскай гаспадаркі, млн рублёў (2011-2015 гг. - з улiкам дэнамiнацыi 2016 г.).
2025 г. - папярэднія данныя.
Прыярытэты развіцця
Галоўная мэта, замацаваная ў пяцігадовай праграме на 2026-2030 гады, - гэта пераход да новай якасці жыцця кожнага беларуса. Беларусь павінна стаць краінай з развітой лічбавай індустрыяй і тэхналагічнай структурай, уласнымі прарыўнымі тэхналогіямі.
Для дасягнення мэты вызначаны актуальныя прыярытэты развіцця, на рэалізацыю якіх сканцэнтраваны ўнутраныя і знешнія рэсурсы і накіравана работа кожнага ў пабудове будучыні краіны:
Нацыянальная дэмаграфічная бяспека: захаванне насельніцтва, умацаванне здароўя нацыі і падтрымка сям'і. Гэта пераадоленне негатыўных дэмаграфічных трэндаў і захаванне колькасці працоўных рэсурсаў.
Развіццё чалавечага патэнцыялу, якасная адукацыя, выхаванне гарманічнай і патрыятычнай асобы. Гэта адукацыя, якая адпавядае бягучым запатрабаванням рынку працы і патрэбнасцям эканомікі, бесперапыннае патрыятычнае выхаванне моладзі і гарантыі сацыяльнай абароны.
Стварэнне якаснага і зручнага асяроддзя для жыцця. Гэта стварэнне інфраструктуры для камфортнага жыцця ў любой кропцы краіны.
Рост канкурэнтаздольнасці, паскарэнне тэхналагічнага развіцця і лічбавая трансфармацыя. Гэта развіццё высокатэхналагічнай і самадастатковай эканомікі, павышэнне якасці прадукцыі, тавараў, работ, паслуг.
Моцныя рэгіёны. Гэта стварэнне роўных магчымасцей занятасці і якасці жыцця насельніцтва ў кожным рэгіёне.
Умацаванне абараназдольнасці дзяржавы і развіццё абароннага сектара эканомікі. Гэта забеспячэнне абароны ад знешніх і ўнутраных пагроз, падтрыманне высокага ўзроўню абароненасці асобы, грамадства і дзяржавы, развіццё абароннага сектара эканомікі з улікам сучасных патрабаванняў.
Рэалізацыя турыстычнага патэнцыялу. Гэта павышэнне ўкладу сферы турызму ў эканоміку Рэспублікі Беларусь і яе рэгіёнаў.