Сродкі масавай інфармацыі ў Беларусі

У Беларусі актыўна развіваюцца нацыянальныя сродкі масавай інфармацыі: друкаваныя, тэлевізійныя і радыёвяшчальныя СМІ, сеткавыя выданні.

Асноватворным нарматыўным прававым актам, які рэгулюе ўзаемаадносіны ў медыйнай сферы, з'яўляецца Закон Рэспублікі Беларусь "Аб сродках масавай інфармацыі".

На 1 студзеня 2022 года ў краіне зарэгістравана:

  • 1561 друкаваны сродак масавай інфармацыі (699 газет, 822 часопісы, 31 бюлетэнь, 7 каталогаў, 2 альманахі), з іх 426 дзяржаўных і 1135 недзяржаўных;
  • 7 інфармацыйных агенцтваў: 2 дзяржаўныя і 5 недзяржаўных;
  • 37 сеткавых выданняў (30 дзяржаўных, 7 недзяржаўных);
  • 206 тэлерадыёвяшчальных СМІ, з іх 127 дзяржаўных (84 радыёпраграмы і 43 тэлепраграмы) і 79 недзяржаўных (26 радыёпраграм і 53 тэлепраграмы).

Акрамя таго, на тэрыторыі Рэспублікі Беларусь распаўсюджваецца больш як 230 замежных тэлепраграм (у кабельных сетках) і звыш 4 тыс. замежных друкаваных СМІ.

Па стане на 21 чэрвеня 2022 года выдадзена 1737 дазволаў на распаўсюджванне друкаваных СМІ.

Нягледзячы на ўсё большую канкурэнцыю на інфармацыйным рынку, айчынныя СМІ па-ранейшаму застаюцца галоўнай крыніцай інфармацыі для беларусаў.

Буйнейшымі нацыянальнымі медыя з’яўляюцца Белтэлерадыёкампанія , ЗАТ "Другі нацыянальны тэлеканал", ЗАТ "Сталічнае тэлебачанне" , выдавецкі дом "Беларусь сёння", выдавецкі дом "Звязда", Беларускае тэлеграфнае агенцтва.

Ва ўмовах змянення сусветнай інфармацыйнай прасторы і дынамічнага развіцця тэхналогій, фарматаў, метадаў падрыхтоўкі і перадачы інфармацыі медыйная галіна Беларусі сёння актыўна рухаецца ў напрамку лічбавай трансфармацыі.

Белтэлерадыёкампанія ЗАТ "Другі нацыянальны тэлеканал" ЗАТ "Сталічнае тэлебачанне" Беларускае тэлеграфнае агенцтва Выдавецкі дом "Беларусь сегодня" Выдавецкі дом "Звязда"