Моманты

У прэзідэнцкім графіку шмат нефармальных мерапрыемстваў. Аляксандр Лукашэнка прымае ўдзел у суботніках, часта сустракаецца з моладдзю. Баль выпускнікоў, прэзідэнцкая ёлка і навагодні баль у Палацы Незалежнасці – прыгожыя традыцыі суверэннай Беларусі.

Журналісты, якія працуюць з Кіраўніком дзяржавы, ведаюць: большасць рабочых паездак Прэзідэнта выходзяць за рамкі спланаванага загадзя сцэнарыя. У выступленнях, сустрэчах Аляксандра Лукашэнкі з людзьмі заўсёды ёсць месца імправізацыі. I менавіта яна стварае тыя самыя непаўторныя Моманты, лепшыя Кадры, якія застануцца самымі яркімі ў гісторыі незалежнай Беларусі.

Кожны год вясной, калі прырода абуджаецца, Прэзідэнт разам з беларусамі прыводзіць у парадак самыя розныя аб'екты і тэрыторыі. Аб'ядноўвае іх заўсёды адно – гэта зроблена для людзей. Стадыён "Дынама", дзе на II Еўрапейскіх гульнях нашы атлеты пранеслі па ядры беларускі сцяг. Паліклініка, куды прыйдуць сем'і, дзяцей і бацькоў прымуць у светлых кабінетах. "Лінія Сталіна", дзе з нагоды 75-годдзя вызвалення Беларусі з'явілася 75 дубоў, каб па гэтай алеі з удзячнасцю прайшлі потым дзеці і ўнукі…

Выдатную савецкую традыцыю – суботнік – прадаўжаем і сёння. Робім свой дом, сваю зямлю больш утульнымі.

Ні для каго не сакрэт: Аляксандр Лукашэнка - безумоўны прыхільнік здаровага ладу жыцця. Заняткі спортам - неад'емная частка штодзённага графіка Прэзідэнта. І гэта не толькі класічныя віды спорту, але і самыя народныя фізічныя практыкаванні. Такія, напрыклад, як колка дроў (дарэчы, з гэтым відам нагрузкі Кіраўнік дзяржавы добра знаёмы яшчэ з юных гадоў).

Ініцыятывы Прэзідэнта заўсёды знаходзяць прадаўжэнне ў тых, хто працуе побач. З нядаўняга часу колкай дроў следам за Кіраўніком дзяржавы захапіліся і медыйныя работнікі. Пад Мінскам на беразе вадасховішча Вяча 7 лістапада 2022 года адбыўся першы чэмпіянат па колцы дроў сярод журналістаў.

Аляксандр Лукашэнка не мог застацца ўбаку - правёў для ўдзельнікаў чэмпіянату сапраўдны майстар-клас. А яшчэ - дапамог самым малавопытным справіцца з момантамі непасільнай задачы, пачаставаў салдацкай кашай, паразмаўляў у імправізаваным клубе рэдактараў з кіраўнікамі СМІ.

Словам, чэмпіянат удаўся і ўжо стаў традыцыяй.

Асаблівы час у прэзідэнцкім графіку – пераднавагоднія і калядныя дні. Яны літаральна прасякнуты імкненнем падарыць казку тым, хто так чакае яе. Пачынаючы з 1995 года ў Беларусі праходзіць акцыя "Нашы дзеці", у час якой клопатам акружаны тысячы маленькіх жыхароў краіны. Бліжэй да Новага года – яе доўгачаканая кульмінацыя, калі на Галоўную ёлку па запрашэнні Прэзідэнта збіраюцца дзеці – цэлы Палац Рэспублікі.

Для моладзі новая прыгожая традыцыя суверэннай Беларусі – баль у Палацы Незалежнасці. Звычайна строгі і афіцыйны, палац акунаецца ў атмасферу вытанчанасці і элегантнасці. У ім збіраюцца сотні студэнтаў і старшакласнікаў, таленавітых, якія дабіліся значных поспехаў у вучобе. Разам з імі на балі і беларускі лідар.

Нашы межы, як і сэрцы, заўсёды адкрыты для блізкіх духам.

Беларусь – адкрытая краіна. Краіна гладкіх дарог і вольнага ветру. Гэта цэняць многія нашы госці, у тым ліку байкеры з усяго свету, якія ўсё часцей пракладваюць праз Беларусь свае маршруты. Не супраць пракаціцца на матацыкле і Кіраўнік дзяржавы. Не раз узначальваў байкерскую калону, разам з сынамі. Аляксандр Лукашэнка – матацыкліст са стажам. У дапрэзідэнцкія гады была "Ява", потым "Мінск". Хтосьці скажа – забава, а хтосьці ўбачыць вялікую палітыку. Над мотапатокам развяваюцца сцягі дзясяткаў краін з Захаду і Усходу. Побач з беларускім Прэзідэнтам – сотні байкераў. У Беларусі яны жаданыя госці, бо віза ўдзельнікам байкерскага фестывалю не патрэбна.