Беларусь у лічбах

9 155 978 чалавек склала насельніцтва Рэспублікі Беларусь на 1 студзеня 2024 года - 0,1% агульнай колькасці насельніцтва планеты.

Паводле ацэнкі, у 2023 годзе 4 152,2 тыс. чалавек занята ў эканоміцы краіны.

У Беларусі больш як 122 тыс. шматдзетных сем’яў (выхоўваюць траіх і больш дзяцей).

2 872 установы агульнай сярэдняй адукацыі дзейнічала на пачатак 2023/24 навучальнага года ў Рэспубліцы Беларусь.

На пачатак 2023/24 навучальнага года ў Рэспубліцы Беларусь функцыянавала 49 устаноў вышэйшай адукацыі (УВА).

232,9 тыс. студэнтаў і магістрантаў навучалася ва УВА Беларусі ў 2023/2024 навучальным годзе, 18,8 тыс. з якіх - іншаземцы.

233,86 млн т складаюць разведаныя запасы гіпсу Брынёўскага радовішча Петрыкаўскага раёна Гомельскай вобласці (паводле даных Міністэрства прыродных рэсурсаў і аховы навакольнага асяроддзя).

У 4,23 млрд т ацэньваюцца выяўленыя запасы гаручых сланцаў на двух радовішчах (паводле даных Міністэрства прыродных рэсурсаў і аховы навакольнага асяроддзя) .

7,7 млрд т налічваюць разведаныя і пацверджаныя запасы калійных солей у Рэспубліцы Беларусь (паводле даных Міністэрства прыродных рэсурсаў і аховы навакольнага асяроддзя).

63,5 млн т складаюць запасы кварцавых пяскоў, што выкарыстоўваюцца для вытворчасці шкла (паводле даных Міністэрства прыродных рэсурсаў і аховы навакольнага асяроддзя).

888,0 млн т складаюць агульныя разведаныя запасы радовішчаў даламіту ў Рэспубліцы Беларусь (паводле даных Міністэрства прыродных рэсурсаў і аховы навакольнага асяроддзя).

Беларусь - першая ў свеце краіна, якая легалізавала крыптавалюты. Адпаведны Дэкрэт Прэзідэнт Беларусі падпісаў 21 снежня 2017 г.

34 месца сярод 166 краін займае Беларусь у Індэксе дасягнення глабальных Мэт устойлівага развіцця (SDG Index), згодна са справаздачай Sustainable Development Report 2023.

Беларусь займае 26 месца сярод 234 краін і аўтаномных тэрыторый па колькасці заключаных двухбаковых інвестыцыйных пагадненняў (паводле даных ЮНКТАД).

58 месца сярод 193 краін заняла Беларусь у рэйтынгу "Індэкс электроннага ўрада-2022" (E-Government Development Index 2022).

47 месца ў Беларусі сярод 191 краіны па Індэксе ўзроўню адукацыі (у справаздачы United Nations Development Programme: Education Index 2022).

Беларусь займала 16 месца сярод 170 краін свету па паказчыку "Базавая адукацыя" ў Індэксе сацыяльнага прагрэсу за 2023 год.

Беларусь займае 52 месца ў Глабальным індэксе ўстойлівай канкурэнтаздольнасці (Global Sustainable Competitiveness Index, 2022).

Беларусь заняла 53 месца сярод 198 краін свету ў рэйтынгу самых гасцінных краін свету Welcoming Countries Rank - 2024 г.

46 месца займае Беларусь у Індэксе эфектыўнасці намаганняў у сферы аховы клімату (Climate Change Performance Index (CCPI) - 2023).

55 месца займае Беларусь у Індэксе экалагічнай эфектыўнасці (The Environmental Performance Index), 2022 г.

61 месца сярод 169 краін належыць Беларусі ў Індэксе сацыяльнага развіцця, згодна са справаздачай Social Progress Index 2022.

69 месца са 193 краіны займала Беларусь у рэйтынгу па Індэксе чалавечага развіцця (Human Development Index), згодна са справаздачай Human Development Repot 2023-2024. 

У 2021 г. Беларусь заняла 53 месца ў свеце сярод 153 краін па Індэксе прамысловай канкурэнтаздольнасці. У Індэксе ўлічваюцца індыкатары дабаўленай вартасці апрацоўчай прамысловасці і экспарту прамысловай прадукцыі, у тым ліку сярэдне- і высокатэхналагічных вытворчасцей.

78 месца ў Беларусі сярод 167 краін у рэйтынгу Індэкса працвітання брытанскага аналітычнага цэнтра The Legatum Institute (The Legatum Prosperity Index 2023).

Рэспубліка Беларусь у рэйтынгу індэкса паштовага развіцця (Integrated Index for Postal Development) Сусветнага паштовага союза за 2022 год заняла 15 месца сярод 172 краін свету.

$47 870 млн склаў экспарт тавараў і паслуг Рэспублікі Беларусь у 2023 г. Суадносіны гэтага паказчыка і ВУП (экспартная квота) перавышаюць 60%.

Больш за $31 млрд Рэспубліка Беларусь паставіла малочнай прадукцыі на экспарт за 2010-2023 гг., па выніках 2023 г. - на $2,9 млрд.

Краіна займала 5 месца ў сусветным экспарце алею з рапсу ў 2022 годзе.

Краіна займала 17 месца ў сусветным экспарце ДСП у 2022 годзе.

Краіна займала 6 месца сярод сусветных экспарцёраў ільну і льняных тканін у 2022 годзе.

У 157 краін у 2023 годзе экспартаваліся беларускія тавары.

У 103 краіны пастаўляліся ў 2023 г. беларуская сельгаспрадукцыя і прадукты харчавання.

472,3 млн долараў ЗША склала дадатнае сальда знешняга гандлю таварамі і паслугамі ў Рэспубліцы Беларусь па выніках 2023 года.

994 арганізацыі-рэзідэнты Парка высокіх тэхналогій дзейнічалі па стане на 1 студзеня 2024 г. Больш за 91% распрацаванага ў ПВТ праграмнага забеспячэння экспартуецца.

Беларускі экіпаж каманды "МАЗ-СПОРТаўта" пад кіраваннем Сяргея Вязовіча заваяваў 3 месца на завершаным у Саудаўскай Аравіі ралі-рэйдзе "Дакар-2020". А ў 2023 годзе спартыўная каманда "МАЗ-СПОРТаўта" ўпершыню ў гісторыі стала пераможцам ралі-рэйду "Шаўковы шлях - 2023".

256 відаў інавацыйнай прадукцыі выпускаецца на ААТ "БМЗ - кіруючая кампанія холдынга "БМК".

450 т - грузападымальнасць самага вялікага ў свеце кар’ернага самазвала БЕЛАЗ 75710, створанага ў Беларусі ў 2013 г. Устанавіў рэкорд Гінеса, калі правёз па выпрабавальным палігоне груз на 503,5 т.

74,6 года - чаканая працягласць жыцця ў Беларусі пры нараджэнні (2023 г.).

150 тыс. пацыентаў з больш як 100 краін свету, згодна з  данымі Міністэрства аховы здароўя, штогод прыязджаюць у Беларусь на лячэнне і аздараўленне.

За 10 гадоў у Беларусі праведзена 3144 трансплантацыі нырак, 699 трансплантацый печані, 377 трансплантацый сэрца, 22 трансплантацыі лёгкіх, 33 мультыорганныя трансплантацыі. Толькі ў 2019 г. выканана 528 трансплантацый органаў (56,1 на 1 млн насельніцтва).

326 аддзяленняў медыцынскай рэабілітацыі функцыянуюць у краіне, у тым ліку 96 стацыянарных аддзяленняў, згодна з данымі Міністэрства аховы здароўя.

Беларусі ўдалося дабіцца зніжэння дзіцячай смяротнасці да 2,4 на 1 тыс. нованароджаных жывымі (2019 г.). Гэта адзін з самых нізкіх паказчыкаў у свеце. Павялічваецца выжывальнасць дзяцей з экстрэмальна нізкай масай цела, выходжваюцца нованароджаныя, якія з’явіліся на свет на 22 тыдні цяжарнасці. Беларусь займае лідзіруючыя месцы сярод краін з самым нізкім узроўнем дзіцячай і мацярынскай смяротнасці.

1 570,2 млн чалавек перавозяць у Беларусі ўсімі відамі транспарту за год (2023 г.).

Больш за 1,5 тыс. км - працягласць беларускіх аўтадарог з павышаным скорасным рэжымам.

Больш як 1,5 тыс. км, згодна з данымі Мінтранса, складае агульная працягласць 2 транс’еўрапейскіх транспартных калідораў у межах Беларусі.

Тэрыторыю Рэпублікі Беларусь перасякаюць транс’еўрапейскія транспартныя калідоры, вызначаныя па міжнароднай класіфікацыі пад нумарам II "Захад - Усход" (Берлін - Варшава - Мінск - Масква - Ніжні Ноўгарад) і IX "Поўнач - Поўдзень" (Хельсінкі - Санкт-Пецярбург/Масква - Кіеў - Кішынёў) з адгалінаваннем IXB (Калінінград/Клайпеда - Вільнюс - Мінск - Кіеў - Кішынёў). Яны звязваюць Заходнюю Еўропу са многімі прамысловымі цэнтрамі Беларусі, Расіі, Украіны, Літвы, Малдовы і іншых краін.

Эксплуатацыйная даўжыня чыгуначных пуцей у Рэспубліцы Беларусь складае больш за 5,5 тыс. км, з іх звыш 25% электрыфікаваны.

7,9 тыс. км - працягласць магістральных газаправодаў на тэрыторыі Беларусі.

330 шт. на 1 тыс. чалавек - забяспечанасць насельніцтва легкавымі аўтамабілямі (на 1 студзеня 2024 г.).

Працягласць унутраных водных пуцей Беларусі, адкрытых для суднаходства, складае 2 136,2 км. Унутраныя водныя пуці размешчаны на рэках Днепр, Бярэзіна, Сож, Прыпяць, Нёман, Заходняя Дзвіна, Піна, Мухавец, Гарынь, Свіслач, а таксама на Днепра-Бугскім і Аўгустоўскім каналах.

105 узнагарод: 21 залатая, 37 сярэбраных, 47 бронзавых заваяваны беларусамі на Алімпійскіх гульнях пасля афіцыйнага прызнання Нацыянальнага алімпійскага камітэта краіны (21 верасня 1993 г. на 101-й сесіі МАК у Манака).

У Беларусі ў 2023 годзе налічвалася 600 гасцініц і аналагічных сродкаў размяшчэння, якія мелі 20 тыс. нумароў.

462 - колькасць санаторна-курортных, аздараўленчых арганізацый і іншых спецыялізаваных сродкаў  размяшчэння ў 2023 годзе, якія адначасова маглі прыняць амаль 49 тыс. наведвальнікаў.

На канец 2023 г. налічвалася 1 838 помнікаў архітэктуры Беларусі.

На канец 2023 г. налічвалася 1 217 помнікаў гісторыі Беларусі.

На канец 2023 г. налічвалася 67 помнікаў мастацтва Беларусі.

На канец 2023 г. налічвалася 2 226 помнікаў археалогіі Беларусі.

На канец 2023 г. ў Беларусі працавала 156 музеяў.

На канец 2023 г. у Беларусі функцыянавала 23 556 фізкультурна-спартыўных збудаванняў.

17,1 млн га - плошча існуючых паляўнічых угоддзяў.

450,4 тыс. турыстаў (з іх 17,6 тыс. - іншаземцы) у 2023 годзе скарысталіся паслугамі 2 409 суб’ектаў аграэкатурызму.

9,5% - стаўка рэфінансавання Нацыянальнага банка (з 28 чэрвеня 2023 г.).

21 банк дзейнічае на тэрыторыі Беларусі (на 1 сакавіка 2024 г.).

2,2% - узровень інфляцыі ў Беларусі (сакавік 2024 г. да снежня 2023 г.).

8,4 млрд дол. ЗША - міжнародныя рэзервовыя актывы (на 1 красавіка 2024 г.).

66 двухбаковых міжнародных пагадненняў аб садзейнічанні ажыццяўленню і ўзаемнай абароне інвестыцый заключана Рэспублікай Беларусь.

44,4 т - залаты запас Беларусі (на 1 студзеня 2022 г.).

19,2 млн шт. банкаўскіх пластыкавых картак дзейнічалі ў Беларусі на 1 студзеня 2024 г.

70 міжнародных пагадненняў аб прадухіленні двайнога падаткаабкладання і папярэджанні ўхілення ад выплаты падаткаў заключана Рэспублікай Беларусь.

$8,7 млрд прамых замежных інвестыцый накоплена ў эканоміцы Беларусі на 1 студзеня 2024 г.

$1,6 млрд прамых замежных інвестыцый прыцягнута на чыстай аснове ў эканоміку ў 2023 годзе.

70,8% насельніцтва Беларусі ва ўзросце 6-72 гадоў карыстаюцца персанальным камп’ютарам (2023 г.).

91,5% насельніцтва Беларусі ва ўзросце 6-72 гадоў карыстаюцца інтэрнэтам (2023 г.).

98,8% насельніцтва Беларусі ва ўзросце 6-72 гадоў карыстаюцца сотавай сувяззю (2023 г.).

У Рэспубліцы Беларусь 100% насельніцтва мае доступ да электраэнергіі.

56 гідраэлектрастанцый агульнай электрычнай магутнасцю больш за 98 МВт дзейнічаюць у Беларусі.

У краіне пабудавана 116 ветраэнергетычных установак агульнай электычнай магутнасцю звыш 130 МВт, большая частка з якіх размешчана ў Гродзенскай і Магілёўскай абласцях.

Беларусь мае 105 фотаэлектрычных (сонечных) станцый агульнай электрычнай магутнасцю звыш 270 МВт, большая частка з якіх размяшчаецца ў Гродзенскай, Магілёўскай і Брэсцкай абласцях.

У Беларусі пабудаваны 42 біягазавыя ўстаноўкі, якія  выпрацоўваюць як электрычную, так і цеплавую энергію. Агульная электрычная магутнасць - звыш 54 МВт, цеплавая - больш за 27 МВт.

Больш як 1 050 станцый зарадкі электрычнага транспарту налічвалася ў Беларусі на пачатак 2024 г.

577 тыс. т умоўнага паліва сэканомлена ў 2022 г. у Беларусі дзякуючы рэалізацыі энергазберагальных мерапрыемстваў.

99,6% шматкватэрных жылых дамоў пабудавана ў 2023 г. у энергаэфектыўным выкананні.

80 экалагічных грамадскіх аб’яднанняў дзейнічаюць на тэрыторыі Беларусі, а таксама каля 20 экалагічных цэнтраў, у якіх звыш 30 тыс. навучэнцаў штогод наведваюць 2,5 тыс. гурткоў эколага-біялагічнага профілю.

Рэспубліка Беларусь штогод экспартуе другасных рэсурсаў на $15 млн.

124 электробусы задзейнічаны ў перавозках пасажыраў на тэрыторыі Беларусі.