Грамадскія аб'яднанні

У Рэспубліцы Беларусь на 1 студзеня 2020 года зарэгістравана 2995 грамадскіх аб’яднанняў і 25 прафсаюзаў.

Федэрацыя прафсаюзаў Беларусі (ФПБ) – адзіны нацыянальны прафсаюзны цэнтр, рэспубліканскае добраахвотнае незалежнае аб’яднанне галіновых прафсаюзаў з агульнай колькасцю амаль 4 млн чалавек.

Рэспубліканскае грамадскае аб’яднанне "Белая Русь" налічвае ў сваіх шэрагах больш як 190 тыс. чалавек. У аб’яднанне ўваходзяць 6 абласных, раённыя, гарадскія і раённыя ў буйных гарадах арганізацыі. Колькасць пярвічных арганізацый – больш як 8 тыс.

У Беларусі працуе амаль 400 дабрачынных арганізацый. У ліку самых аўтарытэтных – грамадскае аб’яднанне "Беларускі фонд міласэрнасці і здароўя", які з’яўляецца членам Міжнароднага фонду міласэрнасці і здароўя, Еўрапейскага саюза таварыстваў міласэрнасці.

У Беларусі актыўна развіваецца маладзёжны рух. Буйнейшымі і найбольш уплывовымі з арганізацый з’яўляюцца Беларускі рэспубліканскі саюз моладзі (БРСМ) і Беларуская рэспубліканская піянерская арганізацыя.

БРСМ аб’ядноўвае звыш 400 тыс. юнакоў і дзяўчат, у шэрагах піянерскай арганізацыі больш як 660 тыс. дзяцей і падлеткаў.

Актыўны ўдзел у грамадскім жыцці краіны прымаюць ветэранскія і экалагічныя арганізацыі.

110 арганізацый аб’ядноўваюць прадстаўнікоў нацыянальных меншасцей.