Рэспубліканскае грамадскае аб’яднанне (РГА) "Белая Русь"

Па ініцыятыве грамадскасці ў 2004 годзе ў Гродне зарадзіўся масавы патрыятычны рух "Белая Русь". У чэрвені 2007 года да ідэалагічнага праекта далучыліся ўсе вобласці і г.Мінск. Пачалася падрыхтоўка да стварэння РГА "Белая Русь".

Устаноўчы з’езд аб’яднання прайшоў 17 лістапада 2007 года. Міністэрства юстыцыі Рэспублікі Беларусь зарэгістравала РГА "Белая Русь" 11 снежня 2007-га, а афіцыяльны геральдычны сімвал аб’яднання – 15 жніўня 2008 года.

У кастрычніку 2008 года пачаў работу афіцыйны сайт. У 2018 годзе зацверджана вышэйшая ўзнагарода аб’яднання - узнагародны "Знак Гонару".

Асноўнымі дакументамі, якія рэгламентуюць дзейнасць РГА "Белая Русь", з’яўляюцца статут і праграма. Вышэйшы орган аб’яднання – з’езд, пастаянна дзеючы кіруючы орган – рэспубліканскі савет. Арганізацыйныя структуры створаны ва ўсіх адміністрацыйна-тэрытарыяльных адзінках краіны.

Сваёй асноўнай мэтай аб'яднанне лічыць пабудову незалежнай, моцнай і працвітаючай Беларусі шляхам кансалідацыі грамадства і ўсіх канструктыўных сіл на аснове прыярытэтнасці нацыянальных інтарэсаў, патрыятычных і духоўна-маральных каштоўнасцей беларускага народа, культурных традыцый, агульнага разумення яго гістарычнага лёсу і імкнення да захавання суверэнітэту і незалежнасці дзяржавы.

"Белая Русь", з'яўляючыся грамадскім аб'яднаннем, не канцэнтруецца на барацьбе за ўладу, што дае магчымасць успрымаць усе працэсы вачамі простага чалавека і аналізаваць іх з дзяржаўных пазіцый.

Ажыццяўляючы асноўныя палажэнні Праграмы, РГА "Белая Русь" садзейнічае:

• пабудове ў Рэспубліцы Беларусь грамадства, у якім гарантуецца сацыяльная справядлівасць;
• стварэнню палітычных, эканамічных і сацыяльных умоў для рэальнага ўдзелу грамадзян у кіраванні справамі дзяржавы і грамадства;
• забеспячэнню сацыяльнай бяспекі насельніцтва краіны, законных правоў і свабод грамадзян, гарантаваных Канстытуцыяй Рэспублікі Беларусь.

• фарміраванне палітычнай культуры і палітычнай свядомасці грамадзян;
• садзейнічанне развіццю грамадзянскай супольнасці і канструктыўных ініцыятыў;
• пазіцыянаванне Рэспублікі Беларусь на міжнароднай арэне.

Дыялогавыя пляцоўкі РГА "Белая Русь" сталі значнай часткай культуры беларускага грамадства, дзе абмяркоўваюцца заканадаўчыя навацыі і актуальныя пытанні грамадска-палітычнага парадку дня. Задача такіх сустрэч - пачуць меркаванне кожнага грамадзяніна.

"Белая Русь" ўключана ў палітычнае жыццё краіны з моманту ўтварэння. Аб'яднанне ўдзельнічае ва ўсіх кампаніях па выбарах у мясцовыя Саветы дэпутатаў, дэпутатаў Палаты прадстаўнікоў Нацыянальнага сходу, Прэзідэнта Рэспублікі Беларусь. Грамадскія прыёмныя "Белай Русі" ў такія перыяды становяцца перадвыбарнымі штабамі кандыдатаў, якія падтрымліваюцца аб'яднаннем.

• грамадска-палітычны марафон "17 граней Адзінства" па правядзенні серыі дыялогавых пляцовак да Дня народнага адзінства;
• "Вопыт лепшых "Белай Русі" - здабытак грамадства" - конкурс малых грантаў аб'яднання сярод патрыятычных праектаў;
• "Грамадская экспертыза" па правядзенні грамадскага абмеркавання законапраектаў;
• "Спадчына" - конкурс маладзёжных даследчых праектаў;
• "Залатое пяро "Белай Русі" для юных журналістаў, маладых карэспандэнтаў газет, тэлебачання, інтэрнэт-сайтаў;
• "Белая Русь" у асобах" па фарміраванні каштоўнасных арыенціраў, актыўнай грамадзянскай пазіцыі і патрыятызму на прыкладах гісторый паспяховых актывістаў і лідараў "Белай Русі";
• "Вальс Перамогі" па арганізацыі музычна-танцавальных пляцовак да Дня Перамогі;
• адукацыйныя праекты для лідараў і актыву аб'яднання.

Дынамічны водгук атрымалі партнёрскія праекты аб'яднання:

• "Будзь у тэме" па растлумачэнні ў маладзёжным асяроддзі інфармацыйнага парадку дня;
• "Вучыся. Зберагай. Зарабляй" па павышэнні фінансавай дасведчанасці моладзі;
• "Краса Беларусі" – конкурс прыгажосці для шматдзетных маці па папулярызацыі ўсвядомленага мацярынства;
• "Кадравая лесвіца" па падрыхтоўцы высокакваліфікаваных кіраўніцкіх кадраў з ліку маладзёжнага актыву;
• "Цудоўная, як маладосць, краіна" па арганізацыі пераемнасці паміж РГА "Белая Русь" і ГА "БРСМ".