Нарматыўнае прававое рэгуляванне аховы здароўя

Беларускае заканадаўства гарантуе пацыентам Рэспублікі Беларусь:

• бясплатную медыцынскую дапамогу ў дзяржаўных установах аховы здароўя;
• даступнасць лекавых сродкаў;
• добраахвотную згоду на медыцынскія ўмяшанні;
• выбар лечачага ўрача і арганізацыі аховы здароўя;
• удзел у выбары метадаў аказання медыцынскай дапамогі;
• атрыманне ў даступнай форме інфармацыі аб стане ўласнага здароўя, прымяняльных метадах аказання медыцынскай дапамогі, а таксама аб кваліфікацыі лечачага ўрача, іншых медыцынскіх работнікаў, якія  ўдзельнічаюць непасрэдна ў аказанні яму медыцынскай дапамогі;
• выбар асоб, якім можа быць паведамлена інфармацыя аб стане здароўя;
• адмову ад аказання медыцынскай дапамогі, у тым ліку медыцынскага ўмяшання, за выключэннем спецыяльна вызначаных выпадкаў;
• знаходжанне ў арганізацыі аховы здароўя ва ўмовах, якія адпавядаюць санітарна-гігіенічным і проціэпідэмічным патрабаванням і дазваляюць рэалізаваць права на бяспеку і абарону асабістай годнасці;
• паважлівае і гуманнае стаўленне з боку работнікаў аховы здароўя.

У сучасных умовах развіцця сістэмы аховы здароўя з укараненнем новых арганізацыйных тэхналогій, тэхналогій прафілактыкі, дыягностыкі, лячэння і рэабілітацыі, новых лекавых сродкаў і вырабаў медыцынскага прызначэння нарматыўная прававая база аховы здароўя патрабуе пастаяннага абнаўлення.