Сустрэча з Прэзідэнтам Азербайджана Ільхамам Аліевым

Прэзідэнт Беларусі Аляксандр Лукашэнка і Прэзідэнт Азербайджана Ільхам Аліеў правялі 26 снежня ў Санкт-Пецярбургу двухбаковую сустрэчу.

Аляксандр Лукашэнка і Ільхам Аліеў 24 снежня правялі тэлефонную размову. Тады Кіраўнік беларускай дзяржавы з цеплынёй павіншаваў свайго азербайджанскага калегу з днём нараджэння. Прэзідэнты абмеркавалі асноўныя пытанні развіцця двухбаковых адносін, абстаноўку ў рэгіёне і тэматыку сумеснай работы ў рамках шматбаковых пляцовак.

Цяперашняя сустрэча ў Санкт-Пецярбургу прайшла ў развіццё таго, што абмяркоўвалася ў тэлефоннай размове. Парадак дня быў рабочы.

"Чакаем у Азербайджане!" - запрасіў Ільхам Аліеў беларускага лідара.

Кіраўнікі дзяржаў абмеркавалі маючы адбыцца візіт Прэзідэнта Беларусі ў Азербайджан.

Што датычыцца эканомікі, дамовіліся, што адказныя асобы з міжурадавай камісіі і ўрадаў дзвюх краін выпрацуюць план мерапрыемстваў сумеснай работы на наступныя гады. У тым ліку сумесныя кааперацыйныя праекты ў галіне прамысловасці, сельскай гаспадаркі, будаўніцтва і ВПК.

Прэзідэнт Азербайджана пацвердзіў прапанову Беларусі прыняць удзел у мадэрнізацыі і будаўніцтве інфраструктурных аб'ектаў у Карабаху.

Зразумела, абмеркавалі і міжнародны парадак дня - азербайджанскі лідар падрабязна праінфармаваў беларускага калегу аб сітуацыі на Каўказе.