Аб змяненні Указа Прэзідэнта Рэспублікі Беларусь (карэкціруецца Указ № 490 ад 20 кастрычніка 2005 г. "Аб заснаванні афіцыйных геральдычных сімвалаў Гомельскай вобласці і яе адміністрацыйна-тэрытарыяльных адзінак")
Указ № 121 ад 26 сакавіка 2021 г.
Прэзідэнт Беларусі Аляксандр Лукашэнка 26 сакавіка падпісаў Указ № 121, якім засноўваецца сцяг Нароўлі і Нараўлянскага раёна.
Сцяг аднаўляе раней заснаваны герб Нараўлянскага раёна. Ён уяўляе сабой прамавугольнае палотнішча блакітнага колеру, у цэнтры якога размешчана сярэбраная падкова, увянчаная залатым крыжам.
Дакументам таксама зацверджана Палажэнне аб названым геральдычным сімвале, яго апісанне і выява.
Заснаванне гэтага геральдычнага сімвала будзе садзейнічаць папулярызацыі нацыянальных традыцый і гістарычных асаблівасцей Нараўлянскага раёна, пераемнасці пакаленняў, фарміраванню ў жыхароў патрыятызму і гордасці за свой рэгіён.
