Нацыянальны банк Рэспублікі Беларусь

Агульная інфармацыя

Нацыянальны банк – цэнтральны банк і дзяржаўны орган Рэспублікі Беларусь. Незалежны ў сваёй дзейнасці і падсправаздачны толькі Прэзідэнту. Кіраўнік дзяржавы зацвярджае статут Нацбанка і назначае, са згоды Парламента, старшыню і членаў праўлення.

Асноўныя мэты дзейнасці

• падтрыманне цэнавай стабільнасці;
• забеспячэнне стабільнасці банкаўскай сістэмы Беларусі;
• забеспячэнне эфектыўнага, надзейнага і бяспечнага функцыянавання плацежнай сістэмы.

Асноўныя функцыі

• распрацоўвае асноўныя напрамкі грашова-крэдытнай палітыкі і сумесна з Урадам забяспечвае правядзенне адзінай грашова-крэдытнай палітыкі Беларусі;
• з'яўляецца для банкаў крэдыторам апошняй інстанцыі, ажыццяўляючы іх рэфінансаванне;
• ажыццяўляе эмісію грошай, а таксама каштоўных папер Нацыянальнага банка;
• фарміруе залаты запас і фонд каштоўных камянёў Дзяржаўнага фонду каштоўных металаў і каштоўных камянёў;
• стварае золатавалютныя рэзервы па ўзгадненні з Прэзідэнтам і кіруе імі ў межах сваёй кампетэнцыі;
• ажыццяўляе валютнае рэгуляванне і валютны кантроль;
• рэгулюе крэдытныя адносіны;
• рэгулюе лізінгавую і мікрафінансавую дзейнасць, а таксама дзейнасць па правядзенні аперацый з беспаставачнымі пазабіржавымі фінансавымі інструментамі;
• рэгулюе і арганізуе грашовае абарачэнне;
• устанаўлівае правілы і парадак правядзення банкаўскіх аперацый;
• ажыццяўляе банкаўскі нагляд;
• ажыццяўляе ліцэнзаванне банкаўскай дзейнасці;
• ажыццяўляе маніторынг фінансавай стабільнасці;
• арганізуе функцыянаванне плацежнай сістэмы і ажыццяўляе нагляд за ёй;
• ажыццяўляе фарміраванне і развіццё адзінай разліковай і інфармацыйнай прасторы;
• вядзе банкаўскую, грашова-крэдытную статыстыку, статыстыку фінансавага рынку, плацежнага балансу, міжнароднай інвестыцыйнай пазіцыі, валавога знешняга доўгу Беларусі, фінансавай устойлівасці і размяшчае афіцыйную статыстычную інфармацыю на афіцыйным сайце Нацыянальнага банка.