Міністэрства замежных спраў

Агульная інфармацыя

Міністэрства замежных спраў (МЗС) праводзіць дзяржаўную палітыку ў сферы знешніх сувязей. У сістэму МЗС уваходзяць цэнтральны апарат, дыпламатычныя прадстаўніцтвы і консульскія ўстановы за мяжой, а таксама рэспубліканскае ўнітарнае прадпрыемства "Нацыянальны цэнтр маркетынгу і кан'юнктуры цэн".

Асноўныя задачы

• рэалізацыя адзінай знешняй палітыкі Беларусі, у тым ліку каардынацыя палітыкі ў сферы знешнеэканамічнай і знешнегандлёвай дзейнасці;
• забеспячэнне правоў і інтарэсаў Рэспублікі Беларусь у міжнародных адносінах;
• прадстаўленне Рэспублікі Беларусь у адносінах з замежнымі дзяржавамі, міжнароднымі арганізацыямі і міждзяржаўнымі ўтварэннямі, фарміраванне, падтрыманне і ўмацаванне пазітыўнага іміджу Рэспублікі Беларусь за мяжой;
• каардынацыя дзейнасці рэспубліканскіх органаў дзяржаўнага кіравання па забеспячэнні адзінай палітыкі Беларусі ў адносінах з замежнымі дзяржавамі, міжнароднымі арганізацыямі і міждзяржаўнымі ўтварэннямі;
• абарона правоў і інтарэсаў грамадзян Беларусі і юрыдычных асоб Беларусі за мяжой;
• стварэнне спрыяльных умоў для пашырэння эканамічных інтарэсаў Беларусі за мяжой;
• кантроль за выкананнем міжнародных дагавораў;
• кіраванне работай замежных устаноў Рэспублікі Беларусь;
• забеспячэнне развіцця інфраструктуры знешнепалітычнай дзейнасці Рэспублікі Беларусь і аказанне садзейнічання ў развіцці інфраструктуры знешнеэканамічнай дзейнасці рэспублікі;
• каардынацыя знешнегандлёвай палітыкі і работы па фарміраванні гандлёвага рэжыму Беларусі ў адносінах з замежнымі дзяржавамі;
• садзейнічанне ў прыцягненні замежных інвестыцый у эканоміку Беларусі;
• знешнепалітычнае забеспячэнне дэлімітацыі, дэмаркацыі і праверкі праходжання Дзяржаўнай граніцы Рэспублікі Беларусь.