Міністэрства прыродных рэсурсаў і аховы навакольнага асяроддзя

Агульная інфармацыя

Міністэрства прыродных рэсурсаў і аховы навакольнага асяроддзя - орган дзяржаўнага кіравання, які займаецца рэгуляваннем і каардынацыяй дзейнасці па ахове навакольнага асяроддзя і выкарыстанні прыродных рэсурсаў на тэрыторыі Беларусі.

Асноўныя задачы

• правядзенне адзінай дзяржаўнай палітыкі ў галіне аховы навакольнага асяроддзя і рацыянальнага выкарыстання прыродных рэсурсаў, выкарыстання і аховы нетраў, а таксама гідраметэаралагічнай дзейнасці ў адпаведнасці з заканадаўствам;
• ажыццяўленне дзяржаўнага кіравання ў галіне вывучэння, аховы, узнаўлення і рацыянальнага выкарыстання прыродных рэсурсаў, у тым ліку нетраў, вод, жывёльнага і расліннага свету, аховы навакольнага асяроддзя, а таксама дзяржаўнага рэгулявання ў галіне гідраметэаралогіі, экалагічнай сертыфікацыі і экалагічнага аўдыту;
• каардынацыя дзейнасці іншых рэспубліканскіх органаў дзяржаўнага кіравання, мясцовых выканаўчых і распарадчых органаў, арганізацый у галіне забеспячэння экалагічнай бяспекі, аховы навакольнага асяроддзя і рацыянальнага выкарыстання прыродных рэсурсаў, у тым ліку нетраў, гідраметэаралагічнай дзейнасці, рэгулявання ўздзеяння на клімат і азонавы слой;
• ажыццяўленне дзяржаўнага рэгулявання дзейнасці па геалагічным вывучэнні нетраў і гідраметэаралагічнай дзейнасці, а таксама стварэнне ўмоў для развіцця арганізацый усіх форм уласнасці, якія ажыццяўляюць гэтыя віды эканамічнай дзейнасці;
• кантроль у галіне аховы навакольнага асяроддзя і рацыянальнага выкарыстання прыродных рэсурсаў, гідраметэаралагічнай дзейнасці, а таксама за выкарыстаннем і аховай нетраў;
• забеспячэнне захавання і ўстойлівага выкарыстання біялагічнай разнастайнасці, удзел у распрацоўцы і ажыццяўленні мерапрыемстваў па ўзнаўленні аб’ектаў жывёльнага і расліннага свету.