Зацверджана рашэнне савета спецфонду Прэзідэнта па сацыяльнай падтрымцы адораных навучэнцаў і студэнтаў
Кіраўнік дзяржавы Аляксандр Лукашэнка падпісаў распараджэнне, якім зацверджана рашэнне савета спецыяльнага фонду Прэзідэнта Беларусі па сацыяльнай падтрымцы адораных навучэнцаў і студэнтаў.
На гэтыя мэты з рэспубліканскага бюджэту за кошт сродкаў рэзервовага фонду будзе накіравана каля Br560 тыс.
Стыпендыі Прэзідэнта Беларусі назначаны 185 студэнтам ВНУ. Гранд-прэмій з прысваеннем звання лаўрэата спецыяльнага фонду ўдастоены 11 пераможцаў міжнародных алімпіяд і конкурсаў. Заахвочаны спецыяльнымі прэміямі 92 навучэнцы, курсанты і студэнты.
Аказана матэрыяльная падтрымка студэнцкай навуковай лабараторыі "Геаінфармацыйныя сістэмы і тэрытарыяльнае кіраванне" Брэсцкага дзяржаўнага ўніверсітэта імя А.С.Пушкіна для далейшага развіцця навуковых даследаванняў у галіне геаінфарматыкі і распрацоўкі навучальных і прыкладных геаграфічных інфармацыйных сістэм.
Прыняцце распараджэння будзе садзейнічаць матывацыі прадстаўнікоў адоранай моладзі, створыць умовы для іх далейшай паспяховай вучобы і прафесійнага росту, а таксама будзе служыць дадатковым стымулам для педагогаў.
