Ордэнам Маці ўзнагароджаны 23 жыхаркі Мінска

Прэзідэнт Беларусі Аляксандр Лукашэнка падпісаў Указ № 185 аб узнагароджанні ордэнам Маці.

За нараджэнне і выхаванне пяці і больш дзяцей узнагароды ўдастоены прадстаўніцы розных сфер дзейнасці. Сярод іх работніцы прадпрыемстваў аграпрамысловага комплексу і лёгкай прамысловасці, банкаўскага сектара, Узброеных Сіл, арганізацый гандлю, транспарту і сувязі, устаноў адукацыі, аховы здароўя, рэлігійных аб'яднанняў і хатнія гаспадыні. 

Сярод узнагароджаных - аператар сувязі цэха пісьмовай карэспандэнцыі і гібрыднай пошты вытворчасці "Мінская пошта" РУП "Белпошта" Настасся Захарава, аператар стужачнага абсталявання падрыхтоўчага цэха ААТ "Камволь" Вікторыя Кадзіна, урач - хірург-траўматолаг хірургічнага аддзялення 26-й гарадской паліклінікі Мінска Наталля Корпан, ваеннаслужачы воінскай часці 30667 Алена Локцік, спецыяліст аддзела анлайн-падтрымкі і камунікацый з кліентамі ЗАТ "Ідэя Банк" Наталля Саковіч. 

Усяго ордэнам Маці ўзнагароджаны 23 жыхаркі Мінска.