Даклад старшыні Магілёўскага аблвыканкама Анатоля Ісачанкі

Прэзідэнт Беларусі Аляксандр Лукашэнка заслухаў даклад старшыні Магілёўскага аблвыканкама Анатоля Ісачанкі.

Асноўнымі тэмамі сталі сітуацыя ў вобласці з акцэнтам на ўборачную кампанію і асеннія палявыя работы, магчымыя праблемы, якія патрабуюць увагі на ўзроўні кіраўніка дзяржавы, а таксама кадравыя пытанні.

Анатоль Ісачанка далажыў, што рэгіён завяршае масавую ўборку збожжавых і зернебабовых культур. Аграрыі Магілёўскай вобласці ўжо актыўна вядуць узворванне, пачынаюць сяўбу азімых. Адначасова - уборка агародніны і кукурузы на сілас. У цэлым работы ў палях выконваюцца ў тэрмін, аграрыі забяспечаны ўсім неабходным.

Аляксандр Лукашэнка цікавіўся, як выконваюцца яго даручэнні па развіцці асобных тэрыторый вобласці. Так, вопыт развіцця эканамічнай і вытворчай базы Шклоўскага раёна павінен стаць узорам для іншых рэгіёнаў. Што датычыцца суседняга Дрыбінскага раёна, Прэзідэнт нядаўна канцэптуальна падтрымаў прапановы аб яго ўзбуйненні, развіцці інфраструктуры і АПК. Цяпер гэта давядзецца рэалізаваць на практыцы.

Дэталёва абмеркаваны і кадравыя пытанні - прапановы аблвыканкама па назначэнні кіраўнікоў на месцах.