Аб агрэгатарах навін у глабальнай камп'ютарнай сетцы Інтэрнэт

Прэзідэнт Беларусі Аляксандр Лукашэнка 22 сакавіка падпісаў Указ № 116 "Аб агрэгатарах навін у глабальнай камп'ютарнай сетцы Інтэрнэт".

Дакумент распрацаваны ў мэтах павышэння якасці і даступнасці інфармацыі, якая прадастаўляецца грамадзянам праз агрэгатары навін, забеспячэння абароны інтарэсаў грамадства і дзяржавы ў гэтым сегменце інфармацыйнай прасторы.

Указам рэгулююцца асаблівасці функцыянавання агрэгатараў навін і прававы статус іх уладальнікаў. У прыватнасці, устанаўліваюцца правы і абавязкі ўладальнікаў агрэгатараў навін. Вызначана, што яны маюць права выбіраць і распаўсюджваць як уласныя, так і запазычаныя з іншых крыніц матэрыялы.

Устанаўліваюцца падставы, умовы і парадак прымянення да ўладальніка агрэгатара навін мер рэагавання ў выпадку парушэння ім дзеючага заканадаўства.

Указ накіраваны на спыненне магчымасці распаўсюджвання ўладальнікамі агрэгатараў навін матэрыялаў інтэрнэт-рэсурсаў, у адносінах да якіх у адпаведнасці з заканадаўствам вынесена рашэнне аб абмежаванні да іх доступу.